ஓவிய, புகைப்படக் கண்காட்சி

(அனா)

கோறளைப்பற்று மேற்கு மற்றும் கோறளைப்பற்று மத்தி ஆகிய பிரதேச செயலகங்கள் இணைந்து நடாத்தும் கலாசார விழா 2013ஐ முன்னிட்டு ஏற்பாடு செய்த ஓவிய மற்றும் புகைப்படக் கண்காட்சி (17.10.2013) இடம் பெற்றது.

கோறளைப்பற்று மத்தி பிரதேச செயலாளர் திருமதி நிஹாரா மௌஜூத் தலைமையில் ஓட்டமாவடி பிரதேச சபைக் கட்டிடத்தில் இடம் பெற்ற ஓவிய மற்றும் புகைப்படக் கண்காட்சியின் ஆரம்ப நிகழ்வுக்கு பிரதம அதிதியாக கிழக்குப் பல்கலைக்கழக நுண்கலைத்துறைத் தலைவர் கலாநிதி எஸ்.ஜெயசங்கர் கலந்து கொண்டதுடன் கௌரவ அதிதிகளாக கிழக்கு மாகாண பண்பாட்டலுவல்கள் திணைக்களத்தின் பணிப்பாளர் டி.டபிள்யூ.யூ.வெலிக்கல, ஓட்டமாவடி பிரதேச செயலாளர் எம்.சி.அன்சார், பிரதேச ஓவியர்கள் மற்றும் புகைப்படக் கலைஞர்களும் கலந்து கொண்டனர்.  

இக் கண்காட்சியில் பிரதேசத்தைச் சேர்ந்த ஓவியர்கள் மற்றும் புகைப்படக் கலைஞர்களின் நூற்றுக் கணக்கான புகைப்படங்களும் ஓவியங்களும் காட்சிக்கு வைக்கப்பட்டிருந்தன.