ஆசிரியர் பிரதீபா பிரபா விருது பெற்ற அக்கரைப்பற்று மத்திய கல்லூரி அதிபர் கௌரவிக்கப்பட்டார்

அக்கரைபற்று EPICNESS அமைப்பினால் ஆசிரியர் பிரதீபா பிரபா விருது பெற்ற அக்கரைப்பற்று மத்திய கல்லூரி அதிபர் கௌரவிக்கப்பட்டார்.

கடந்த சனிக்கிழமை(19/10/2013) அக்கரைப்பற்று அஸ்ஸிராஜ் மகா வித்தியாலத்தில் 2010ல் உயர் தரம் கற்று வெளியாகிய மாணவர்களின் ஒன்றுகூடல் வைபவம் நடைபெற்றது. மேற்படி நிகழ்வில் ஆசிரியர் பிரதீபா பிரபா விருது பெற்ற அக்கரைப்பற்று மத்திய கல்லூரி அதிபர் M.I.M சஹாப்தீன் அவர்கள் ஆசிரியர்கள், மாணவர்கள் முன்னிலையில் கௌரவிக்கப்பட்டார். இவர் அக்கரைப்பற்று அஸ்ஸிராஜ் மகா வித்தியாலத்தின் முன்னால் அதிபரென்பது குறிப்பிடத்தக்கது. அது மட்டுமல்லாது இம் முன்னால் மாணவர்களால் தாம் சார்ந்த சமூக செயற்பாடுகள், மற்றும் பாடசாலை மாணவர்களின் கல்வி செயற்பாடுகளில் முன் நின்று உழைப்பதற்கான ஒரு அமைப்பும் உருவாக்கப்பட்டது. EPICNESS எனப் பெயரிடப்பட்ட இவ் அமைப்பிற்கு அங்கு சமூகமளித்த அனைத்து 2010 உயர் தர மாணவர்களும், ஆசிரியர்களும் பூரண ஒத்துழைப்பை வழங்க முன் வந்ததாகவும், மேற்படி நிகழ்வு சிறப்புற நடைபெற்றதாகவும் அமைப்பின் தலைவர் M.S.M றசாத் தெரிவித்தார்.