காழ்ப்­பு­ணர்ச்சியினால் கட்­சியின் வெற்றியை குறைத்து மதிப்­பிட முயற்­சி - ரவூப் ஹக்கீம்

நடந்து முடிந்த மாகாண சபை தேர்தலில் மக்களால் தெரிவு செய்யப்பட்ட முஸ்லிம் உறுப்பினர்கள் எண்மரில், நால்வர் ஸ்ரீலங்கா முஸ்லிம் காங்கிரஸின் ஊடாகவே வெற்றியடைந்துள்ளனர் என்று முஸ்லிம் காங்கிரஸின் தலைவரும் அமைச்சருமான ரவூப் ஹக்கீம் தெரிவித்துள்ளார்.

ஆகையால் கட்சியின் வெற்றியை யாரும் குறைத்து மதிப்பிட முடியாதெனவும் அவர் தெரிவித்துள்ளார்.

ஸ்ரீலங்கா முஸ்லிம் காங்­கிரஸ் அலு­வ­ல­க­மொன்றை கொழும்பு, கொம்­பனி தெரு, ஸ்டுவர்ட் வீதியில் சனிக்­கி­ழமை மாலையில் திறந்து வைத்து உரை­யாற்­றிய போதே அமைச்சர் ஹக்கீம் இவ்­வாறு கூறினார். மேல் மாகாண சபை உறுப்­பினர் அர்ஷாத் நிசாம்­தீனின் ஏற்­பாட்டில் இந்­நி­கழ்வு இடம்­பெற்­றது. அங்கு உரை­யாற்றும் போது அமைச்சர் ஹக்கீம் மேலும் தெரி­வித்­த­தா­வது,

இலங்கை முஸ்­லிம்­களின் அர­சியல் வர­லாற்றில் ஸ்ரீலங்கா முஸ்லிம் காங்­கிரஸ் தனிப்­பெரும் இடத்தை வகிக்­கின்­றது. எத்­த­னையோ சவால்­க­ளுக்கு முகம் கொடுத்­த­வாறே எமது கட்சி தனது அந்­தஸ்தை தக்க வைத்துக் கொண்­டி­ருக்­கின்­றது. அண்மையில் நடந்த மாகாண சபை தேர்­தலில் ஸ்ரீலங்கா முஸ்லிம் காங்­கிரஸ் பின்­ன­டைவைச் சந்­தித்­துள்­ள­தாக சிலர் ஊட­கங்­களில் எழுதி வரு­கின்­றனர்.

காழ்ப்­பு­ணர்ச்சியின் கார­ண­மாக அவர்கள் எமது கட்­சியின் வெற்றியை குறைத்து மதிப்­பிட முயற்­சிக்­கின்­றனர். அதில் உண்­மை­யில்லை. இந்த மாகாண சபை தேர்­தலில் முஸ்­லிம்கள் எட்டுப் பேர்தான் மக்­களால் தெரிவு செய்­யப்­பட்­டி­ருக்­கின்­றனர். ஏனைய இருவர் தேசி­யப்­பட்­டியல் மூலமே நிய­மிக்­கப்­பட்­டுள்­ளனர். எனவே, மக்­களால் தெரிவு செய்­யப்­பட்ட முஸ்லிம் மாகாண சபை உறுப்­பி­னர்கள் எண்­மரில் சரி அரை­வா­சி­யி­ன­ரான நால்வர் ஸ்ரீலங்கா முஸ்லிம் காங்­கி­ரஸின் உறுப்­பி­னர்கள் என்­பது குறிப்­பி­டத்­தக்­கது.

எங்­களைப் பொறுத்­த­வரை 2002ஆம் ஆண்டு முக்­கி­ய­மான வருடம். அப்­போ­தைய ஸ்ரீலங்கா சுதந்­திரக் கட்சி தலை­மை­யி­லான அர­சாங்­கத்தின் வீழ்ச்­சிக்கு வழி­ கோ­லி, ஐக்­கிய தேசியக் கட்­சியை ஆட்­சியில் அமர்த்­து­வ­தற்கு நாங்கள் கார­ண­மாக இருந்தோம். அப்­போ­தைய கொழும்பு மாந­கர சபை தேர்­தலில் எமது கட்­சியின் சார்பில் ஆறு உறுப்­பி­னர்கள் தெரிவு செய்­யப்­பட்ட போது இந்த நிகழ்வின் ஏற்­பாட்­டாளர் தற்­போ­தைய மேல் மாகாண சபை உறுப்­பினர் அர்ஷத் நிஸாம்தீன் முதன்­மு­த­லாக ஸ்ரீலங்கா முஸ்லிம் காங்­கி­ரஸின் மூலம் அர­சி­யலில் பிர­வே­சித்தார்.

இப்­பொ­ழுது எமது மாகாண சபை உறுப்­பினர் அர்ஷாத் நிஸாம்­தீனும் மாந­கர சபை உறுப்­பினர் அனஸும் பிரச்­சி­னைக்­கு­ரிய கொம்­ப­னித்­தெரு பிர­தே­சத்தில் வறு­மைக்­கோட்டின் கீழ் வாழும் சிங்­கள,தமிழ்,முஸ்லிம் மக்­களின் அன்­றாட வாழ்­வா­தாரப் பிரச்­சி­னை­க­ளுக்­காக வீதியில் இறங்கி ஆர்ப்­பாட்­டங்­க­ளில்­ கூட ஈடு­பட்டு வருகின்றனர். கொம்­ப­னித்­தெரு பிர­தே­சத்தில் வீடு­க­ளி­லி­ருந்து மக்கள் வெளி­யேற்­றப்­பட்டு அவர்­களை வேறு இடங்­களில் குடி­ய­மர்த்த முயற்­சிக்­கப்­ப­டு­கின்­றது.

நகர அபி­வி­ருத்தி அதி­கார சபை என்ற போர்­வையில் இந்த நட­வ­டிக்­கைகள் முன்­னெ­டுக்­கப்­ப­டுகின்­றன. உயர் நீதி­மன்ற தீர்ப்­பைக்­கூட மீறி சில விட­யங்கள் நடைபெறுகின்றன. பொறுப்பு வாய்ந்த நீதி­ய­மைச்சர் பதவியை வகிக்கும் நான் எல்லாவற்றையும் வெளிப்படையாகக் கூற முடியாது என்றார். வேகந்த ஜும்ஆ பள்ளிவாசல் பேஷ் இமாம் மெளலவி முஸ்னி அமீர்,மெளலவி அப்துல் ஜப்பார், விசேட மருத்துவ நிபுணர் றியாஸ், மாநகர சபை உறுப்பினர்களான அனஸ், நைசர் ஆகியோரும் இக்கூட்டத்தில் கலந்து கொண்டனர்.