யாழ்ப்பாணம் முஸ்லிம் மறுமலர்ச்சி இயக்கம், புத்தளம் வாழ் புலம் பெயர் மக்கள் சந்திப்பு

யாழ் முஸ்லிம் மறுமலர்ச்சி இயக்கம் யாழ்ப்பாண முஸ்லிம்களின் வரலாற்று பதிவுகளையும் விபரங்களையும் திரட்டி நூல் வடிவில் வெளியிடவுள்ளது. இதன் ஒரு கட்டமாக மறுமலர்ச்சி இயக்கத்தின் உறுப்பினர்கள் மற்றும் ஆலோசகர்கள் புத்தளத்தில் வாழும் யாழ்ப்பாண முஸ்லிம்களை கடந்த 27.10.2013 ஞாயிற்றுக்கிழமையன்று புத்தளத்தில் சந்தித்தனர். கலந்துரையாடல் எம்.எஸ். முனாஸ் ஹாஜியார் அவர்களின் கிராஅத்துடன் ஆரம்பமாகியது. அதனைத் தொடர்ந்து உரையாற்றிய தலைவர் ஏ.எம்.சப்ரின் அவர்கள் அமைப்பின்  உருவாக்கப்பட்ட நோக்கம் சம்பந்தமாக பேசினார். தொடர்ந்து பொதுச் செயலாளர் அல்ஹாஜ் எம்.எஸ்.எம்.ஜான்ஸின் யாழ்ப்பாண முஸ்லிம்களின் புராதன வரலாற்றையும் இடம் பெயர்வின் பின்னர் மக்கள் சிதறுண்டு வாழ்வதால் ஏற்பட்டுள்ள சமூகத் தாக்கங்கள் பற்றியும் அமைப்பின்  கொள்கைகள் நீண்டகால திட்டங்கள் பற்றியும் விளக்கினார். இதன் பின்னர் கூட்டத்துக்கு சமூகம் தந்திருந்தவர்களின் கருத்துக்கள் கேட்டறியப்பட்டன.  

இக்கலந்துரையாடலின் போது புத்தளத்தில் வாழும் ஐம்பதுக்கும் மேற்பட்ட சமூகநலன் விரும்பிகள் தமது கருத்துக்களை கூறினர். இதன் போது புத்தளத்தில் தவறவிடப்பட்டுள்ள தனிநபர் தகவல்களை திரட்டித் தருவதற்கு புத்தளத்தில் வாழும் வாலிபர்கள் பொறுப்பெடுத்துக் கொண்டனர். இதற்காகவேண்டி றிபாஸ் நஸீர், எம்.பி.நஜுமுதீன் ,  ஹஸன் பைரூஸ், எம்.அம்ஜாத் போன்றவர்களைக் கொண்ட குழுவும் ஏ.எம். அஸ்லம், மொயின், பாரூக் பதீன், யூஸுப் அஸ்ரின், ஏ.ஆர்.எம்.சஜாத் ஆகியோர்களைக் கொண்ட குழுவும் இஸ்மாயில் முஜீபர், எம்.எல்.எம். சபீல் ஆகியோர் கொண்ட குழுவும் நியமிக்கப்பட்டுள்ளது. இதைவிட தனிநபர்களும் தம்மாலான தகவல்களை பெற்றுத்தருவதாக உறுதியளித்துள்ளனர். 

நன்றியுரை இப்றாகிம் இம்தியாஸால் நிகழ்த்தப்பட்டது.இதனைத் தொடர்ந்து மாலை 6.30 மணிளவில் ஸலவாத்துடன் கூட்டம் நிறைவு பெற்றது.