யாழ்ப்பாணம் ஆசாத் வீதியில் புனரமைப்பு வேலைகள் - மக்களுக்கு இடையூறு (படங்கள்)

 (பா.சிகான்)

யாழ் முஸ்லீம் பகுதியில் உள்ள ஆசாத் வீதி கடந்த நாட்களாக புனரமைப்பு வேலைகள் இடம்பெற்று வருகின்ற போதிலும்  வீதியில் முறையற்ற விதத்தில் கற்கள் போடப்பட்டுள்ளதால் வீதிப்போக்குவரத்து தடைப்பட்டுள்ளதாக மக்கள் விசனம் தெரிவிக்கின்றனர்.

கடந்த சில தினங்களாக ஆரம்பிக்கப்பட்ட இப்புனரமைப்பு தற்போது பெய்து வரும் மழை காரணமாக  இடைநடுவில் கைவிடப்பட்டுள்ளதாக தெரிவிக்கப்படுகிறது. இதனால் இவ்வீதியில் உள்ள மக்கள் போக்குவரத்து செய்வதில் மிகவும் சிரமங்களை எதிர்கொள்கின்றனர்.இது தவிர வீதியின் இருமருங்கிலும் உள்ள வாய்க்கால்களில் கற்கள் விழுந்து காணப்படுவதால் நீர் தேங்கி உள்ளது.

இந்நிலை தொடர்ந்தால் நீர் தேங்கி  இப்பகுதியில் தொற்றுநொய் ஏற்பட வாய்ப்புள்ளது. எனவே உரிய அதிகாரிகள் இதில் கவனம் எடுத்து துரிதமாக மேற்படி கற்களை அகற்றி சீரான போக்குவரத்திற்கு ஏற்பாடு செய்து தருமாறு பொதுமக்கள் வேண்டுகோள் விடுக்கின்றனர்.