முன்னாள் மன்சூரை பாராட்டி கௌரவிக்கும் விழா - அரசியல் பிரமுகர்கள் பங்கேற்பர்

(ஏ.எல்.ஜுனைதீன்)

  முன்னாள் வத்தக, வாணிபத்துறை அமைச்சர்  அல்-ஹாஜ் ஏ.ஆர்.மன்சூர் அவர்களை பாராட்டி கௌரவிக்கும் விழா நாளை சனிக்கிழமை   (19.10.2013) காலை 9 மணிக்கு மருதமுனை அல்-மனார் மத்திய கல்லூரியில் நடைபெறவுள்ளது.

  கல்முனை மாநகர முன்னாள் முதல்வர்- அல்ஹாஜ் எஸ்.இஷட்.எம்.மசூர் மௌலானா முன்னிலையில் ஓய்வுபெற்ற கல்விப் பணிப்பாளர் காதர் இப்ராஹிம் தலைமையில் இவ்விழா இடம்பெறவுள்ளது.

  இவ்விழாவில் ஸ்ரீலங்கா முஸ்லிம் காங்கிரஸ் தலைவரும் நீதி அமைச்சருமான ரவூப் ஹக்கீம், தமிழ் தேசியக் கூட்டமைப்பின் தலைவரும் பாராளுமன்ற உறுப்பினருமான இரா சம்பந்தன், வடக்கு மாகாண முதலமைச்சர் சி.வி.விக்னேஸ்வரன், கிழக்கு மாகாண முதலமைச்சர் நஜீப் அப்துல் மஜீத், பிரதி அமைச்சர் எம்.எல்.ஏ.எம்.ஹிஸ்புல்லாஹ், பாராளுமன்ற உறுப்பினர்களான கரு ஜெயசூரிய, எம்.சுமந்திரன், எம்.ரி.ஹசன் அலி, பைசால் காசிம், எச்.எம்.எம்.ஹரீஸ் ஆகியோர் அதிதிகளாக கலந்து சிறப்பிக்கவுள்ளனர் என அறிவிக்கப்பட்டிருக்கிறது.

  இந்நிகழ்வில் முன்னாள் அமைச்சர் ஏ.ஆர்.மன்சூர் அவர்களின் அரசியல் வரலாறு மற்றும் ஆசிச் செய்திகள், கட்டுரைகள் உள்ளடக்கிய  ‘விருட்சம்’ எனும் சிறப்பு மலரும் வெளியிட்டு வைக்கப்படவுள்ளது எனவும் தெரிவிக்கப்படுகின்றது.