வெள்ளை பிரம்பு தாங்கி வருபவர்களுக்கு உதவி செய்ய முன்வாருங்கள்..!

(பழுலுல்லாஹ் பர்ஹான்)

சர்வதேச வெள்ளைப் பிரம்பு தினத்தை முன்னிட்டு கல்முனை நகர லயன்ஸ் கழகம் மற்றும் நொச்சிமுனை உதயம் விழிப்புலனற்றோர் அமைப்பு ஆகியன இணைந்து ஏற்பாடு செய்த வெள்ளைப் பிரம்பு தின ஊர்வலம் இன்று வெள்ளிக்கிழமை மட்டக்களப்பு கல்முனை கல்லடி பிரதான வீதியில் இடம்பெற்றது.

லயன்ஸ் கழக கிழக்குப் பிராந்திய முகாமையாளர் என்.பீ.ரஞ்சன் தலைமையில் இடம்பெற்ற இவ் ஊர்வலத்தில் லயன்ஸ்  கழக உதவி மாவட்ட ஆளுநர் ஈ.டப்ளியூ.ஏ.ஹரிச்சந்திர எம்ஜே,லயன்ஸ் கழகத்தின் நாடளாவிய ரீதியிலுள்ள கிளைகளில் பிரதிநிதிகள்,தரிசனம் விழிப்புலனற்றோர் சங்கத்தைச் சேர்ந்த விழிப்புலனற்றோர் உட்பட பலரும் கலந்து கொண்டனர்.

இவ் ஊர்வலத்தில் விஷேட தேவையுள்ள மாணவர்கள்'பாடசாலை மாணவர்கள் 'பொது மக்கள் வெள்ளைப் பிரம்பு தினத்தின் முக்கியத்துவத்தை வலியுறுத்தி மனிதமனம் படைத்த எல்லோரும் எல்லா மனிதர்களையும் கட்டிக்காக்க வேண்டும் ,பார்வையற்றவர்கள் வழிமாறிச் செல்லும் வேளையில் இவர்களை உரிய இடத்தில் சேர்க்க முன்வாருங்கள்,வெள்ளை பிரம்பு தாங்கி வருபவர்கள் முழுமையாக பார்வை அற்றவர்கள் இவர்களுக்கு உதவி செய்ய முன்வாருங்கள்,இவர்களின் வாழ்க்கை தரத்தை முன்னேற்றுவதற்கு ஒத்துழைப்பு வழங்குங்கள்,பார்வையற்றவர்களின் கல்வியறிவை மேம்படுத்த ஆதரவு தாருங்கள் எனும் பல்வேறு பதாதைகளுடன் பயணித்தனர்.

மட்டக்களப்பு கல்லடியிலிருந்து இன்று காலை ஆரம்பிக்கப்பட்ட குறித்த ஊர்வலம் உதயம் விழிப்புலனற்றோர் தரிசனம் வரை இடம்பெற்றது.