ரணிலுடன் அதிகாரத்தை பகிர்வது தொடர்பில் இணக்கப்பாட்டினை ஏற்படுத்தவில்லை - சஜித்

ஐக்கிய தேசியக் கட்சியின் தலைவர் ரணில் விக்ரமசிங்கவுடன் கட்சியின் அதிகாரத்தை பகிர்வது தொடர்பில் எவ்வித இணக்கப்பாட்டினையும் ஏற்படுத்திக்கொள்ளவில்லை என பாராளுமன்ற உறுப்பினர் சஜித் பிரேமதாஸ தெரிவிக்கின்றார்.

இன்று ஊடகமொன்றில் வெளியாகியிருந்த செய்தி தொடர்பில் விளக்கமளித்தபோதே பாராளுமன்ற உறுப்பினர் இதனைக் குறிப்பிட்டுள்ளார்.

ரணில் விக்ரமசிங்க, கரு ஜயசூரிய மற்றும் சஜித் பிரேமதாஸ ஆகியோர் கட்சியின் அதிகாரத்தை பகிர்வது தொடர்பில் இணக்கம் கண்டுள்ளதாக அந்த செய்தியில் தெரிவிக்கப்பட்டிருந்தது.

சஜித் பிரேமதாஸ,

''எந்தவொரு விடயம் தொடர்பிலும் எவ்வித இணக்கப்பாடும் எட்டப்படவில்லை என மிகவும் தெளிவாக என்னால் கூற முடியும். அத்தகைய இணக்கப்பாடு எட்டப்படாமையே அடுத்த வாரம் மற்றுமொரு கலந்துரையாடலை நடத்துவதற்கு தீர்மானிக்கப்பட காரணமாகும். ஆகையால் ஒரு சில விடயங்கள் குறித்து இணக்கப்பாடு ஏற்பட்டதாக கூறப்படுவதை என்னால் ஏற்றுக்கொள்ள முடியாது. ஒழுக்க ரீதியில் ஏற்புடையதாக அமையாததால் இந்த கலந்துரையாடலின்போது கவனம் செலுத்தப்பட்ட விடயங்கள் குறித்து என்னால் விபரிக்க முடியாது''.