ஒல்லிக்குளம் சமாதானக் கிராமம் ஆயிஷா பாலர் பாடசாலையின் இல்ல விளையாட்டு விழா

(பழுலுல்லாஹ் பர்ஹான் + அப்துல் காஇத்)

ஒல்லிக்குளம், சமாதானக் கிராமம் ஆயிஷா பாலர் பாடசாலை மாணவர்களின் வருடாந்த இல்ல விளையாட்டு விழா 2013 வெகுவிமர்சையாக (04.10.2013) வெள்ளிக்கிழமை சமாதானக் கிராம முற்றவெளியில் நடைபெற்றது.

பாடசாலையின் தலைவர் எம்.எஸ்.எம். அபூதாஹிர் தலைவர் தலைமையில் நடைபெற்ற மேற்படி இல்ல விளையாட்டு விழா நிகழ்வில் பிரதம அதிதியாக பிஸ்மி அல்குர்ஆன் பாடசாலையின் பணிப்பாளர் அஷ்ஷெய்க்  எம்.பி.எம்.பிர்தௌஸ் (நளீமி) கலந்து கொண்டதுடன் விஷேட உரை ஒன்றையும் ஆற்றினார்.

அத்துடன் கௌரவ அதிதியாக  ஒல்லிக்குளம் 155ஏ கிராம உத்தியோகத்தர் திரு.பி.பத்மநாதன் கலந்து கொண்டதுடன் விஷேட அதிதியாக ஒல்லிக்குளம் ஜாமிஉஸ்ஸலாம் பள்ளிவாயல் தலைவரும் பொது சுகாதாரப் பரிசோதகருமான ஏ.எல்.எம்.ரஹ்மத்துல்லாஹ் உட்பட பொலிஸ் அதிகாரிகள், உலமாக்கள், பெற்றோர்கள் என பலரும் கலந்து கொண்டனர்.

ஆயிஷா பாலர் பாடசாலை மாணவர்களின் பல்சுவையான விளையாட்டுக்களுடன் அணிவகுப்புக் கண்காட்சி, வினோத உடை நிகழ்வுகளும் இடம்பெற்றதுடன் முடிவில் அதிதிகளினால் மாணவர்களுக்கு பரிசில்களும் கிண்ணங்களும் வழங்கி வைக்கப்பட்டன.