வரிப்பத்தான்சேனை மஜீட்புரம் அஸ்-ஸபா வித்தியாலயத்தின் 'மகுடம் சூட்டும் மகிழ்ச்சி விழா'

(எம்.எம்.ஜபீர்)

சம்மாந்துறை வலயக் கல்வி அலுவலகத்தின் கீழுள்ள வரிப்பத்தான்சேனை மஜீட்புரம் அஸ்-ஸபா வித்தியாலயம் ஏற்பாடு செய்த 'மகுடம் சூட்டும் மகிழ்ச்சி விழா' நேற்று வித்தியாலய மைதாத்தில் சிறப்பாக இடம்பெற்றது.

அஸ்-ஸபா வித்தியாலய அதிபர் பீ.ரி.சுபைதீன் தலைமையில் நடைபெற்ற நிகழ்வில் திகாமடுல்ல மாவட்ட பாராளுமன்ற உறுப்பினர் பி.எச்.பியசேன, இறக்காமம் பிரதேச சபை தவிசாளர் யூ.கே.ஜெபீர் (மௌலவி), சம்மாந்துறை வலயக் கல்விப் பணிப்பாளர் எம்.கே.எம்.மன்சூர், பிரதேச செயலாளர் எம்.ஐ.எம்.நஸீர் உள்ளிட்ட பலர் அதிதிகளாக கலந்து கொண்டனர்.

இதன்போது புலமைப் பரிசில் பரீட்சையில் சித்தியடைந்த மாணவர்களும், கற்பித்த ஆசிரியர்களும் அதிதிகளினால் நினைவுச் சின்னம் மற்றும் பரிசுப் பொருட்கள் வழங்கி கௌரவிக்கப்பட்டனர்.