ஆற்றில் குளித்துக்கொண்டிருந்த பிக்கு ஒருவர் நீரில் மூழ்கி காணாமல் போயுள்ளார்

(Tm) தெல்தெனிய ஒருதொட்ட ஆற்றில் குளித்துக்கொண்டிருந்த பிக்கு ஒருவர் நீரில் மூழ்கி காணாமல் போயுள்ளதுடன், மூவர் பாதுகாப்பாக மீட்கப்பட்டுள்ளனர். 

இன்று ஞாயிற்றுக்கிழமை பிற்பகல் 3 மணியளவில் இடம்பெற்றுள்ள இந்தச் சம்பவத்தில், ஒருதொட்ட ஹன்கேவெல விஹாரையைச் சேர்ந்த ஞானானந்த தேரர் (வயது 20)  என்ற பிக்குவே நீரில் மூழ்கி காணாமல் போயுள்ளார்.

உளுகங்கை பகுதியிலிருந்து தெல்தெனிய - விக்டோரியா நீர்த்தேக்கம் நோக்கிச் செல்கின்ற இந்தச் சிற்றாற்றில் 4 பிக்குகள் குளித்துக்கொண்டிருந்துள்ளனர். இதன்போது திடீரென பெருக்கெடுத்த நீரினால் இந்த 4 பிக்குகளில்  ஒருவர் அள்ளுண்டுள்ளார். 

இந்த நிலையில், ஏனைய 3 பிக்குகளும் பாதுகாப்பாக மீட்கப்பட்டுள்ளனர். 

காணாமல் போயுள்ள பிக்குவை தேடிக் கண்டுபிடிக்கும் நடவடிக்கையை  தெல்தெனிய பொலிஸார் மேற்கொண்டு வருகின்றனர்.