அட்டாளைச்சேனையில் உதைப்பந்தாட்ட கண்காட்சிப் போட்டி

(ஏ.எல்.ஜனூவர்)

அட்டாளைச்சேனை நடுவர் சங்கத்தினால் ஏற்பாடு செய்யப்பட்ட 40 வயதுக்குற்பட்ட முன்னாள் உதைப்பந்தாட்ட ஜம்பவான்களுக்கிடையிலான உதைப்பந்தாட்ட கண்காட்சிப் போட்டி நடுவர் சங்க தலைவர் எஸ்.எல்.தாஜுதீன் தலைமையில் அட்டாளைச்சேனை பொது விளையாட்டு மைதானத்தில் நேற்று இடம்பெற்றது.

இவ் உதைப்பந்தாட்ட கண்காட்சிப் போட்டியில் அட்டாளைச்சேனை மற்றும் அக்கரைப்பற்று அணிகள் கலந்து கொண்டது. விறுவிறுப்பாக நடைபெற்ற இப்போட்டியில் 3-0 என்ற கணக்கில் அக்கரைப்பற்று அணி அட்டாளைச்சேனை அணியை வெற்றிபெற்றது. வெற்றி பெற்ற வீரர்களுக்கு தங்கப் பதக்கம் அணிவித்து கௌரவிக்கப்பட்டது.

இந்நிகழ்வில் பிரதம அதிதிகளாக கிழக்கு மாகாண முதலமைச்சரின் செயலாளர் யூ.எல்.ஏ.அஸீஸ், மட்டக்களப்பு மாவட்ட நீதவான் என்.எம்.அப்துல்லா, கௌரவ அதிதிகளாக அக்கரைப்பற்று வலயக் கல்விப்பணிப்பாளர் ஏ.எல்.எம்.ஹாசிம், கிழக்கு மாகாண அமைச்சரின் இணைப்பாளர் ஏ.சீ.சைபுதீன், அட்டாளைச்சேனை வெளிநாட்டு வேலைவாய்ப்பு பணியகத்தின் பணிப்பாளர் ஏ.எல்.மக்கீன், அக்கரைப்பற்று கோட்டக்கல்விப் பணிப்பாளர் கலந்து சிறப்பித்தனர்.