விமான நிலையத்திற்கு சென்ற கங்காரு

ஆஸ்திரேலிய விமான நிலையத்தில், திடீரென கங்காரு நுழைந்ததால், சிறிது நேரம் போக்குவரத்து ரத்து செய்யப்பட்டது. ஆஸ்திரேலியாவின், மெல்போர்ன், விமான நிலையத்தில், நேற்று முன்தினம், விமானத்திற்காக, பயணிகள் காத்திருந்தபோது, காயமடைந்த நிலையில், கங்காரு ஒன்று உள்ளே நுழைந்தது, அங்குமிங்கும் குதித்து கொண்டிருந்ததால், விமான போக்குவரத்து சிறிது நேரம் நிறுத்தப்பட்டது. 

இதற்கிடையே அந்த, கங்காரு, ஒரு கடைக்குள் சென்று பதுங்கியது. இதையடுத்து, அதை மீட்பு குழுவினர் பிடித்து சென்றனர். சாலையை கடந்த அந்த கங்காரு, வாகனத்தில் அடிப்பட்டதால், தவறி, விமான நிலையததுக்குள் நுழைந்து விட்டதாக, அதிகாரிகள் தெரிவித்தனர்.