தெஹிவளை மிருகக் காடசிசாலையை பார்வையிட இன்று 01-10-2013 இலசவ அனுமதி

(எம்.எம்.ஏ.ஸமட்)

சிறுவர்களுக்கும் முதியாருக்கும் தெஹிவளை மிருகக் காடசிசாலையை பார்வையிட இன்று(01) இலசவ அனுமதி வழங்கப்படுமென அறிவிக்கப்பட்டுள்ளது.

உலக சிறுவர் மற்றும் முதியோர் தினம் நாளை ஒக்டோபர் முதலாம் திகதியாகும். இதனை முன்னிட்டு தேசிய விலங்கியல்சாலைகள் திணைக்களம் தேசிய சிறுவர் பாதுகாப்பு அதிகார சபையுடன் இணைந்து உலக சிறுவர் மற்றும் முதியோர்  தின வைபவத்தினை தெஹிவளை தேசிய மிருகக்காட்சிசாலையில் நடாத்தவுள்ளது.

8. 45 மணிக்கு ஆரம்பிக்கும் வைபவ நிகழ்ச்சிகள் மாலை வரை நடைபெறவுள்ளன. 12 வயதுக்குட்பட்ட சிறுவர்களுக்கும் 60 வயதுக்கு மேற்பட்ட முதியோர்களும் தெஹிவளை மற்றும் பின்னவல மிருகக்காட்சி சாலைகளுக்குள் நுழைவதற்கான நுழைவுப் பத்திரம் இலவசமாக வழங்கப்படவுள்ளதாக தேசிய விலங்கியல் திணைக்களம் குறிப்பிட்டுள்ளது. 

அத்துடன், இங்கு வரும் சிறுவர்கள் மற்றும் முதியோர்களை மகிழ்வூட்டும் வகையில் பரிசில்கள் வழங்கப்படவுள்ளதாகவும் பொழுது போக்கு மற்றும் கல்வி தொடர்பான கண்காட்சி நிகழ்ச்சிகளும் இடம்பெறவுள்ளதுடன் சிறுவர்களுக்கான போட்டி நிகழ்ச்சிகளையும் நடாத்த ஏற்பாடுகள் மேற்கொள்ளப்பட்டுள்ளதாகக் குறிப்பிடப்பட்டுள்ளது 

இந்நிகழ்ச்சிக்கு பிரதம அதிதியாக தாவரவியல் பூங்காக்கள் மற்றும் பொதுமக்கள் மேபாட்டு அமைச்சர் ஹேரத் உட்பட பலர் கலந்து கொள்ளவுள்ளமை குறிப்பிடத்தக்கது.