மத்திய கொழும்பு வைத்தியசாலைக்கு தவ்ஹீத் ஜமாத் (SLTJ) உதவி.

ஸ்ரீ லங்கா தவ்ஹீத் ஜமாத் மூலம் இன்று பி.ப 2.00 மணியளவில் மத்திய கொழும்பு (மெத கொழம்ப) பொது வைத்திய சாலைக்கு மின்குமிழ்கள், படுக்கை உபகரணங்கள் மற்றும் அடையாள பலகைகள் என சுமார் 1.5 இலட்சம் பெருமதியான பொருட்கள் அன்பளிப்பு செய்யப்பட்டது.

ஜமாத்தின் தலைவர் ஆர்.எம். ரியால், செயலாளர் அப்துர் ராசிக் மற்றும் ஜமாத் நிர்வாகிகள் கலந்து கொண்ட இந்த நிகழ்வில் கொழும்பு மாவட்ட வைத்திய பொறுப்பதிகாரி ருவான் N சுபசிங்க சிறப்பதிதியாக கலந்து கொண்டு உரையாற்றினார். அதனைத் தொடர்ந்து “இஸ்லாம் கூறும் மனித நேயம்” என்ற தலைப்பில் ஜமாத்தின் செயலாளர் சகோதரர் : அப்துர் ராசிக் சிங்கள மொழியில் உரையாற்றினார். 

நிகழ்வில் கலந்து கொண்ட அனைத்து அதிதிகளுக்கும் நபிகள் நாயகம் (ஸல்) அவர்களின் தூய்மை வாழ்வைப் பற்றி எழுதப்பட்ட “யார் இந்த முஹம்மத் (ஸல்) அவர்கள்?” என்ற புத்தகம் வழங்கப்பட்டது.

இவன்.

ரஸ்மின் MISc

துணை செயலாளர் ஸ்ரீ லங்கா தவ்ஹீத் ஜமாத்.(SLTJ)