தமிழ் கூட்­ட­மைப்பின் தேர்தல் விஞ்­ஞா­ப­னத்தால் அர­சாங்­கத்திற்கே நன்மை - JVP

(vi) தமிழ் தேசியக் கூட்­ட­மைப்பின் தேர்தல் விஞ்­ஞா­பனம் அர­சாங்­கத்தின் இருப்பை மேலும் உறுதி செய்­வ­தா­கவே அமைந்­துள்­ளது. யுத்த கோரத்தால் பாதிக்­கப்­பட் தமிழ் மக்­க­ளுக்கு எவ்­வி­த­மான நன்­மை­களும் கூட்­ட­மைப்­பி­ன­ராலோ ஆளும் தரப்­பி­ன­ராலோ கிடைக்கப் பெறப்போவ­தில்­லை­யென்று ஜே.வி.பி.யின் பொதுச் செய­லாளர் டில்வின் சில்வா தெரி­வித்தார்.

தேசிய ஒற்­று­மையை கட்­டி­யெ­ழுப்ப வேண்­டிய தரு­ணத்தில் தமிழ் தேசியக் கூட்­ட­மைப்பு இவ்­வா­றான பிரி­வி­னை­வா­தத்­தையும் இன­வா­தத்­தையும் தூண்டும் வகை­யான தேர்தல் விஞ்­ஞா­ப­னத்தை வெளி­யிட்­ட­மை­யா­னது ஏற்றுக் கொள்­ளக்­கூ­டி­ய­தொன்­றல்ல. அர­சியல் இருப்­பிற்­காக அனைத்­தையும் செய்து விட முடி­யாது என்றும் அவர் குறிப்­பிட்டார்.

இது தொடர்பில் ஜே.வி.பி.யின் பொதுச் செய­லாளர் டில்வின் சில்வா தொடர்ந்தும் கூறு­கையில்,

வடக்கு, வட மேல் மற்றும் மத்­திய மாகா­ணங்­க­ளுக்­கான தேர்தல் நெருங்கிக் கொண்­டுள்­ளது. வட மாகா­ண­ச­பையின் தேர்தல் சர்­வ­தேச நாடு­க­ளி­னாலும் அவ­தா­னிக்­கப்­ப­டு­கின்­றது. ஆனால் இத் தேர்­த­லா­னது நாட்டில் மீண்டும் இன­வா­தத்தை தூண்டும் வகை­யிலோ முரண்­பா­டு­களை தோற்­று­விக்கும் வகை­யிலோ அமைந்து விடக்­கூ­டாது.

தற்­போது தமிழ் தேசியக் கூட்­ட­மைப்பு மற்றும் ஆளும் கட்சி என்­பன முன்­னெ­டுக்­கின்ற பிர­சார நட­வ­டிக்­கை­களைப் பார்த்தால் நாடு பின்­னோக்கி செல்­வ­தா­கவே அமை­கின்­றது.

கூட்­ட­மைப்பு வெளி­யிட்ட தேர்தல் விஞ்­ஞா­ப­னத்தால் அர­சாங்­கமே நன்மை அடையப் போகின்­றது. ஏனென்றால் ஆளும் கட்சி தனது தேர்தல் பிர­சா­ரத்­திற்கு தலைப்­பொன்று இல்­லாமற் தடு­மாறிக் கொண்­டி­ருக்­கையில் கூட்­ட­மைப்பு இன­வா­தத்தை தூண்டும் வகை­யி­லான விஞ்­ஞா­ப­னத்தை வெளி­யிட்­டது. இதனை தெற்கில் சிங்­கள மக்­க­ளுக்கு காட்டி மீண்டும் புலிகள் தோன்றும் அபாயம் உள்­ளது. ஆகவே தற்­போ­தைய ஜனா­தி­பதி தொடர்ந்தும் ஆட்­சியில் இருக்க வேண்டும் எனக் கூறி பிர­சாரம் செய்து அரசியல் இலாபம் ஈட்டும் சந்தர்ப்பம் தற்போது அரசிற்கு கிடைத்துள்ளது.

இதனால் பாதிக்கப்பட்ட தமிழ் மக்களுக்கும் எவ்விதமான பலனும் கிடைக்கப் போவதில்லை என்று கூறினார்.