தேர்தல் கண்காணிப்பில் வெளிநாட்டு பிரதிநிதிகள்

(ஏ.எல்.ஜுனைதீன்)

  மத்திய, வடக்கு மற்றும் வடமேல் மாகாண சபைகளுக்காக எதிவரும் 21 ஆம் திகதி நடாத்தப்படுகின்ற தேர்தலின்போது கண்காணிப்பு நடவடிக்கைகளுக்காக தெற்காசிய தேர்தல்கள் முகாமைத்துவ அமைப்புக்களின் ஒன்றியம், மற்றும் பொது நலவாய செயலாளர் நாயகம் அலுவலகம் ஆகிய அமைப்புக்களின் தலைவர்களுக்கு தேர்தல்கள் ஆணையாளர் மஹிந்த தேசப்பிரிய அழைப்பு விடுத்துள்ளதாக ஊடகங்களுக்கு இன்று 13 ஆம் திகதி விடுத்துள்ள அறிக்கையில் தெரிவித்துள்ளார்.

  தெற்காசிய தேர்தல்கள் முகாமைத்துவ அமைப்புக்களின் ஒன்றியத்தின் தற்போதய தலைவரான இந்திய தேர்தல்கள் ஆணையத்தின் தலைவரினால்  ஆப்கானிஸ்தான், பங்களாதேஷ், பூட்டான், இந்தியா,  மாலைதீவு, நேபாளம் மற்றும் பாகிஸ்தான் ஆகிய நாடுகளின்  தேர்தல்கள் முகாமைத்துவ அமைப்புக்களைப் பிரநிதித்துவப்படுத்தும் முகவர்கள் 20 பேரைக் கொண்ட குழுவொன்றைப் பெயர் குறித்துள்ளதோடு அதன் தலைவராகக் கடமையாற்றுவதற்கு இந்திய தேர்தல்கள் ஆணையத்தில் கடமையாற்றிய பிரதம தேர்தல்கள் ஆணையாளர் என். கோபாலசுவாமி நியமிக்கப்பட்டுள்ளார்.

  பொது நலவாய நாடுகளின் செயலாளர் நாயகம் அலுவலகத்தின் செயலாளரினால் கென்யா குடியரசின் முன்னாள் துணை ஜனாதிபதி ஸ்டேபன் கலொன்சு முஸ்யொகா தலைமையின் கீழ் கண்காணிப்பாளர்கள் நால்வர் அடங்கிய குழுவொன்றும் நியமிக்கப்பட்டுள்ளது.

  இக் கண்காணிப்புக் குழுக்கள் 14 ஆம் திகதி நாட்டுக்குள் வருகை தரவுள்ளனர்.

  தெற்காசிய தேர்தல்கள் முகாமைத்துவ நிறுவனங்களின் ஒன்றியத்தைப் பிரதிநிதித்துவப்படுத்தும் கண்காணிப்பாளர்கள் வட மாகாணத்தில் தேர்தல் நடத்தப்படும் நிருவாக மாவட்டங்களான யாழ்ப்பாணம்இ கிளிநொச்சிஇ முல்லைத்தீவுஇ வவுனியா மற்றும் மன்னார் ஆகியவற்றின் தேர்தல் கண்காணிப்பு நடவடிக்கைகளுக்காக ஈடுபடுத்த எதிர்பார்க்கப்படுகின்றது எனவும் தேர்தல்கள் ஆணையாளர் தெரிவித்துள்ளார்.

  இக் கண்காணிப்புக் குழுவிற்கு வட மாகாணத்திற்காகப் போட்டியிடுகின்ற அரசியல் கட்சிகளின் முகவர்கள் மற்றும் உள்நாட்டுக் கண்காணிப்புக் குழுவினர் ஆகியோர்களைக் கொழும்பில் சந்திப்பதற்கு ஏற்பாடாகியுள்ளதோடுஇ கண்காணிப்பு நடவடிக்கைகளின் பின்னர் அவர்கள் நாட்டிலிருந்து புறப்பட்டுச் செல்வதற்கு முன்னர் ஊடக நிறுவனங்களின் முகவர்களையும் சந்திப்பதற்கு தேவையான ஒழுங்குகளும் செய்யப்படும் எனவும் தேர்தல்கள் ஆணையாளர் மஹிந்த தேசப்பிரிய  ஊடகங்களுக்கு வெளியிட்டுள்ள அறிக்கையில் மேலும் தெரிவித்துள்ளார்.