சஜித் பிரேமதாச, கண்ணாடியின் முன் நின்று தெரிவித்த கருத்தா..?

தாம் ஜனாதிபதி தேர்தலில் போட்டியிட வேண்டும் என நாடாளுமன்ற உறுப்பினர் சஜித் பிரேமதாச தெரிவித்த கருத்து, அவர் கண்ணாடியின் முன் நின்று தெரிவித்த கருத்தா என தாம் சந்தேகிப்பதாக மாத்தறை மாவட்ட நாடாளுமன்ற உறுப்பினர் மங்கள சமரவீர தெரிவித்துள்ளார்.

எதிர்வரும் தென் மாகாண சபை தேர்தலின் போது சஜித் பிரேமதாச முதலமைச்சர் வேட்பாளராக போட்டியிட வேண்டும் என மாத்தறை மாவட்ட ஐக்கிய தேசிய கட்சிக் குழு அண்மையில் கோரிக்கை ஒன்றை விடுத்திருந்தது.

எனினும் இதனை நிராகரித்த சஜித் பிரேமதாச தம்மை தென் மாகாண முதலமைச்சர் வேட்பாளராக பிரேரித்தவர்கள் அரசியலில் பலவீனப்பட்டவர்கள் என குற்றம் சுமத்தினார்.

தம்மை நாட்டின் ஜனாதிபதியாக பார்க்க மக்கள் விரும்புவதாகவும் சஜித் பிரேமதாச குறிப்பிட்டார்.

இந்த நிலையில், சஜித் பிரேமதாசவின் கருத்திற்கு பதில் வழங்கியுள்ள மங்கள சமரவீர, சஜித் பிரேமதாச கண்ணாடியின் முன் நின்று கொண்டு, தாம் ஜனாதிபதியாக வேண்டும் என்ற கருத்தை கூறினாரா? என்ற சந்தேகம் எழுவதாக குறிப்பிட்டுள்ளார். sfm