நற்பிட்டிமுனையில் கார் விபத்து - இருவர் கைது (படங்கள்)

(யு.எம்.இஸ்ஹாக்)

கல்முனை பொலிஸ்  பிரிவுக்குட்பட்ட நற்பிட்டிமுனை முஸ்லிம் கிராமத்தில் கார் விபத்தொன்று இன்று  (21) சற்று நேரத்துக்கு முன்பு  இடம் பெற்றது. கிராமத்தின் மையப் பகுதியான  சன நடமாட்டம் நிறைந்த பகுதியிலேயே இந்த விபத்து நடந்துள்ளது.
 

எனினும் தெய்வாதீனமாக  விபரீதங்கள் எதுவும் நடை பெறவில்லை. வேகத்துடன்   வந்த கார் தொலை தொடர்பு கம்பத்துடன் மோதியதாக அருகில்  வீதியோரம் நின்ற பொதுமக்கள் தெரிவிக்கின்றனர் .

சம்பவத்தை கேள்வியுற்ற கல்முனை பொலிசார் சம்பவ இடத்துக்கு விரைந்து கார் சாரதியையும் உடன் இருந்த மற்றும் ஒருவரையும் கைது செய்துள்ளனர். குறித்த இருவரும் மது போதையுடன் காணப்பட்டதாக போலிஸ் அதிகாரி தெரிவித்தார் .கைது செய்யப்பட்ட இருவரும்  கல்முனை பொலிஸ்  நிலையத்தில் தடுத்து வைக்கப்பட்டு  வைத்திய பரிசோதனைக்கு கொண்டு செல்லப்பட்டுள்ளனர்.