மாணவர்களிடமிருந்து வசதிக் கட்டணங்கள் தவிர வேறு கட்டணங்களை அறவிடக்கூடாது

இம்முறை முதலாம் தரத்துக்கு மாணவர்களை இணைத்துக்கொள்ளும் போது பெற்றோரிடமிருந்து வசதிக் கட்டணங்கள் தவிர்ந்த வேறு கட்டணங்களை அறவிடக்கூடாது என மேல் மாகாணத்திலுள்ள அனைத்து பாடசாலைகளின் அதிபர்களுக்கு அறிவுறுத்தல் விடுக்கப்பட்டுள்ளது.

வலயக் கல்விப் பணிப்பாளர்கள் ஊடாக, அதிபர்களுக்கு இது குறித்து தெரியப்படுத்தியுள்ளதாக மாகாண கல்விப் பணிப்பாளர் ஜி.என். அய்லப்பெரும தெரிவித்துள்ளார்.

பாடசாலை அபிவிருத்திக் கட்டணம் என்ற அடிப்படையில் அதிபர்களால் பெற்றோரிடமிருந்து நிதி அறவிடப்படுவதனை தடுக்கும் நோக்கில் இந்த நடவடிக்கை எடுக்கப்பட்டுள்ளதாக அவர் குறிப்பிட்டுள்ளார்.

முதலாம் தரத்துக்கு மாணவர்களை அனுமதிப்பதற்கான நேர்முகப்பரிட்சைகள் தற்போது ஆரம்பிக்கப்பட்டுள்ளதாகவும் மேல் மாகாண கல்விப் பணிப்பாளர் கூறினார்.

சில பாடசாலைகளில் மாணவர்கள் தெரிவு செய்யப்பட்டு, அதற்கான பட்டியலும் தயாரிக்கப்பட்டு வருவதாக மேல் மாகாண கல்விப் பணிப்பாளர் ஜி.என். அய்லப்பெரும மேலும் தெரிவித்துள்ளார்.