தம்புள்ள பள்ளிவாசல் விவகாரத்தில் பசில் ராஜபக்ச தலையீடு

தம்புள்ள பள்ளிவாசல் அகற்றப்படும் சாத்தியம் இருப்பதாக அப்பிரதேசத்தைச் சேர்ந்த முஸ்லிம்கள் அமைச்சர் றிசாத் பதியுதீனின் கவனத்திற்கு கொண்டுவந்ததையடுத்து இதுதொடர்பில் அமைச்சர் றிசாத், பசில் ராஜபக்சவுடன் கலந்துரையாடியுள்ளதாக அறியவருகிறது.

இதையடுத்து பசில் ராஜபக்ச நகர அபிவிருத்தி மற்றும் வீதி அபிவிருத்தி அதிகாரிகளுடன் தொடர்புகொண்டு இந்த விவகாரம் தொடர்பில் கலந்துரையாடியுள்ளார். அத்துடன் தம்புள்ள பள்ளிவாசல் தொடர்பில் பிரதேச முலிம்கள் மற்றும் முஸ்லிம் அரசியல்வாதிகளின் விருப்பத்திற்கு மாற்றமாக எத்தகைய நடவடிக்கையும் மேற்கொள்ளப்படாது என சம்பந்தப்பட்ட அதிகாரிகளுக்கு உத்தரவிட்டுள்ளதாகவும் அறியவருகிறது.

அதேவேளை எதிர்வரும் 3 மாகாண சபைகளுக்குமான தேர்தல் முடிவடைந்தவுடன் தம்புள்ள பள்ளிவாசல் தொடர்பில் சம்பந்தப்பட்ட தரப்புகள் ஒன்றிணைந்து முக்கிய கலந்துரையாடலொன்றை ஏற்பாடு செய்திருப்பதாகவும் அறியவருகிறது.