வரலாற்றில் முதல்முறையாக கட்டுநாயக்கா விமான நிலையத்தில் ஜூம்ஆ தொழுகை (படங்கள்)

(ஏ.எஸ்.எம்.ஜாவித்) 

இவ்வருட புனித ஹஜ் கடமைக்கான ஹாஜிகளை ஏற்றிய முதலாவது பயணிகள் விமானம் இன்று (13)  வெள்ளிக்கிழமை இலங்கையில் இருந்து புனித மக்கா நோக்கி பயணமானது.

அதேவேளை வரலாற்றில் முதல் முதலாக விமான நிலையத்தின் பிரதான பகுதியில் ஜூம்ஆ பிரசங்கமும் தொழுகையும் இடம் பெற்றமை குறிப்பிடத்தக்கது.

மேற்படி ஜூம்ஆ பிரசங்கத்தையும் தொழுகையையும் ஹாஜிகளை வழி நடத்திச் செல்லும் மௌலவி உமர்தீன் நிகழ்த்தியதுடன் இதன்போது அமைச்சர் பௌசி, திணைக்கள அதிகாரிகள், விமான நிலைய குடிவரவு, குடியகழ்வு திணைக்களத்தின் விமான நிலையப் பொறுப்பாளர் மன்சூர் உட்பட  முஸ்லிம் அதிகாரிகள் மற்றும் ஹஜிகளும் கலந்து கொண்டனர்.

ஜூம்ஆவுக்கான ஏற்பாடுகளை விமான நிலைய பெரும்பான்மை இன அதிகாரிகள் மற்றும் அலுவலர்கள் ஏற்பாடு செய்து கொடுத்ததுடன் அமைதியாக ஜூம்ஆவை அவதானித்தமையும் அதற்கான சகல ஒத்துழைப்புக்களையும் வழங்கியமை குறிப்பிடத்தக்கதுடன் அவர்களுக்கு அனைவரும் நன்றியும் தெரிவித்தமையும் விஷேட அம்சமாகும்.