விஷவாயு குண்டுகளை பயன்படுத்த ஆசாத் உத்தரவிட்டார் - ஜெர்மனி

சிரியா உள்நாட்டு போரில் அதிபரின் படையினர் தங்கள் பலத்தை இழந்து வருவதாக கூறப்படுகிறது. இதனையடுத்து விஷ வாயுக்குண்டுகளை பயன்படுத்தி தாக்குதல் நடத்த சிரியா அதிபர் கடந்த மாதம் உத்தரவிட்டார் என்று ஒரு ஹிஸ்புல்லா அமைப்பினர் ஒருவர் தெரிவித்ததாக ஜெர்மனி உளவு நிறுவனம் கூறியுள்ளது.

மேலும் இந்த தகவலானது சிரியா தலைநகர் டமாஸ்கசில் உள்ள ஈரானியன் தூதரகத்திற்கும் ஷியா பிரிவினரின் தீவிரவாத அமைப்பான லெபனன் ஹிஸ்புல்லா அமைப்பினருக்கும் இடையே நடைபெற்ற போன் உரையாடலை வழிமறித்து கேட்டதன் அடிப்படையில் உறுதிசெய்யப்பட்டது என்றும் அந்த உளவு அமைப்பு கூறியுள்ளது.

இந்த விவரங்கள் அனைத்தும் வெளிநாட்டு இரகசிய உளவு நிறுவனம் மூலம் தங்களுக்கு கிடைத்ததாக ஜெர்மனி உளவு நிறுவனம் தெரிவித்துள்ளது.