அக்கரைப்பற்றில் சுற்றாடல் முன்னோடி கழகத்துக்கான பதக்கம் சூட்டும் நிகழ்வு

சுற்றாடல் அமைச்சின் மத்திய சுற்றாடல் அதிகார சபையினால் 'பரிசர பியச' எனும் திட்டத்தின் பிரகாரம் பாடசாலைகளில் சுற்றாடல் முன்னோடிக் கழகம் அமைக்கப்பட்டு வருகின்றது.

இதற்கமைவாக தெரிவு செய்யப்பட்ட அக்கரைப்பற்று கல்வி வலயத்துக்குற்பட்ட அட்டாளைச்சேனை அறபா வித்தியாலயத்தில் பிரதேச சுற்றாடல் உத்தியோகத்தர் எஸ்.எம்.எம்.றியாத் தலைமையில் இந்நிகழ்வு இன்று காலை பாடசாலை மண்டபத்தில் இடம்பெற்றது

மாவட்ட சிரேஸ்ட சுற்றாடல் உத்தியோகத்தர் எம்.ஐ.எம்.இஸாக் பிரதம அதிதியாக கலந்து கொண்டு மாணவர்களுக்கு பதக்கம் சூட்டி வைத்தார். இந்நிகழ்வில் பாடசாலையின் அதிபர் கே.எல்.கே.முஹம்மட், பொறுப்பாசிரியர் ஜே.எம்.பஸ்மீர் மற்றும் ஆசிரியர்களும், மாணவர்களும் கலந்து கொண்டனர்.