யாழ்ப்பாணத்தில் நகைக்கடையொன்றில் திருடிய இரு குடும்பப் பெண்கள் கைது

(பா.சிகான்)

யாழ் நகரில் உள்ள நகைக்கடையொன்றில் திருடியதாக இரு குடும்பப்பெண்கள் யாழ் பொலிஸ் குற்றத்தடுப்பு பொலிஸாரினால் கைது செய்யப்பட்டுள்ளனர்.

30-09-2013 மாலை குறித்த கடைக்கு நகை வாங்குவதாக பாவனை செய்து 2 பவுண் பெறுமதியான தங்க மாலையை திருடியுள்ளனர்.

உடனடியாக இவ்விருவரும் கடையை விட்டு அவசரமாக வெளியேறும் போது கடை உரிமையாளர் பொலிஸாருக்கு அறிவித்ததை  அடுத்து திருடிய மாலையுடன கைதுசெய்யப்பட்டனர். கைது செய்யப்பட்ட இரு பெண்களும் திருமணம் செய்தவர்கள் எனவும் கிளிநொச்சி பிரதேசத்தில் இருந்து வந்தவர்கள் எனவும் பொலிஸ்விசாரணையில் இருந்து தெரிய வந்துள்ளது.

குறித்த இருவரையும் நாளை நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளதாக பொலிஸ் வட்டாரங்கள் தெரிவிக்கின்றன.