அக்கரைப்பற்று அஸ்ஸிறாஜ் ஜூனியர் வித்தியாலய மாணவர்களின் அழகியல் கண்காட்சி

 

(அனாசமி)

அக்கரைப்பற்று கல்வி வலயத்திலுள்ள அக்கரைப்பற்று கோட்டப் பாடசாலையான அஸ்ஸிறாஜ் ஜூனியர் வித்தியாலய மாணவர்களினால் நடாத்தப்பட்ட ஆக்க அழகியல் கண்காட்சி இன்று அஸ்;ஸிறாஜ் மகா வித்தியாலய மண்டபத்தில் நடைபெற்றது. 

இந்நிகழ்வுகளில் அக்கரைப்பற்று கல்வி வலயத்தின் பிரதிக் கல்விப்பணிபாளர்களான ஏ.எஸ்.அகமட் கியாஸ், ஏ.எம். றகுமத்துல்லாஹ் மற்றும் அக்கரைப்பற்று வலயத்தின் கணக்காளர் கே.றிஸ்வி யஹ்ஸர், அக்கரைப்பற்று பிரதேச செயலக கணக்காளர் எம். முஸ்தபா ஆரம்பக்கல்விக்கான உதவிக் கல்விப் பணிப்பாளர்  எம்.ஏ.அபுதாஹிர், அஸ்ஸிறாஜ் மாகாவித்தியாலய அதிபர் எம்.ஐ.எம். உவைஸ் ஆகியோர் கலந்து கொண்ட இந்நிகழ்வு வித்தியாலய அதிபர் ஏ.எஸ்.எம். றினோஸ் தலைமையில் வெகுசிறப்பாக இன்று (2013.09.25) நடைபெற்றது. ஆரம்பக்கல்வி மாணவர்களினதும், வகுப்பாசிரியர்களின் முழுமையான பங்குபற்றலுடன் நடைபெற்ற ஆக்க அழகியல் கண்காட்சியைப் பார்வையிட மாணவர்களின் பெற்றோர்களும் வருகைதந்திருந்தமை குறிப்பிடத்தக்கதாகும்.