நேரம் தாமதிக்காது காலையிலேயே சென்று வாக்களியுங்கள்..!

(ஏ.எல்.ஜுனைதீன்)

சனிக்கிழமை நடைபெறவிருக்கும் வடக்கு வடமேல் மற்றும் மத்திய மாகாணங்களுக்கான  மாகாண சபைகளுக்கு 142 உறுப்பினர்களைத் தெரிவு செய்வதற்கு அரசியல் கட்சிகள் மற்றும் சுயேட்சைக் குழுக்கள் என்பன சார்பில் மொத்தமாக 3785 வேட்பாளர்கள் போட்டியிடுகின்றனர்.

  இந்த உறுப்பினர்களைத் தெரிவு செய்வதற்கு  மொத்தமாக 43 இலட்சத்து 63 ஆயிரத்து 252 பேர் வாக்களிப்பதற்குத் தகுதி பெற்றுள்ளனர் எனத் தேர்தல்கள் செயலகம் தெரிவித்துள்ளது.

  வாக்காளர்கள் வாக்களிப்பதற்கு வசதியாக மூன்று மாகாணங்களிலும் மொத்தமாக 3712 வாக்கெடுக்கும் நிலையங்களும் அளிக்கப்பட்ட வாக்குகளை எண்ணுவதற்கென 477 வாக்கெண்ணும் நிலையங்களும் ஏற்படுத்தப்பட்டிருப்பதாகவும் தேர்தல்கள் செயலகம் மேலும் தெரிவித்துள்ளது.

  இத்தேர்தல் வாக்களிப்பு நடவடிக்கைகளுக்காக சுமார் 40 ஆயிரம் அரச ஊழியர்கள் கடமையில் ஈடுபடுத்தப்பட்டுள்ளர். சனிக்கிழமை காலை 7.00 மணி தொடக்கம் மாலை 4.00 மணி வரை வாக்களிப்பு நடைபெறும்.

அதேவேளை காலம் தாமதிக்காது நேரத்துடனே சென்று வாக்களிக்குமாறு தேர்தல்கள் அணையாளர் குறிப்பிட்டுள்ளார்.