பணத்தை கொள்ளையிட்ட மூவரில், ஒருவர் துப்பாக்கிப் பிரயோகத்தில் காயம்

(Nf) கொழும்பு, முகத்துவாரம் பகுதியில் பணத்தை கொள்ளையிடுவதற்கு சென்ற மூவரில், ஒருவர் துப்பாக்கிப் பிரயோகத்தில் காயமடைந்துள்ளார்.தனியார் வங்கியொன்றில் இருந்து பணத்தை பெற்றுக்கொண்ட பெண்ணொருவரிடம் இருந்து 05 இலட்சம் ரூபா பணம் சந்தேகநபர்களால் கொள்ளையிடப்பட்டுள்ளதாக பொலிஸ் ஊடகப் பிரிவு குறிப்பிட்டுள்ளது.

இந்த சந்தர்ப்பத்தில் முச்சக்கர வண்டியின் சாரதியொருவர், கொள்ளையர் ஒருவரை பின்தொடர்ந்து சென்று மடக்கிப்பிடித்தபோது, மற்றுமொரு சந்தேகநபர் சாரதி மீது துப்பாக்கிப் பிரயோகம் நடத்தியுள்ளார்.

ஆயினும், அந்த துப்பாக்கிப் பிரயோகத்தில் கொள்ளையர்களில் ஒருவரே காயமடைந்துள்ளதாக பொலிஸார் குறிப்பிட்டுள்ளனர்.ஏனைய 02 சந்தேகநபர்களும் தப்பிச்சென்றுள்ளனர்.

கொள்ளையிடப்பட்ட பணத்தின் ஒரு பகுதி மீட்கப்பட்டுள்ளதாக பொலிஸ் ஊடகப் பிரிவு தெரிவித்துள்ளது. துப்பாக்கிப் பிரயோகத்தில் காயமடைந்த சந்தேகநபர் கொழும்பு தேசிய வைத்தியசாலையில் அனுமதிக்கப்பட்டுள்ளார்.