முஸ்லிம் காங்கிரஸ் முன்னாள் எம்.பி. அஸித பெரேரா காலமானார்

(Tm) இத்தாலிக்கான முன்னாள் இலங்கை தூதுவர் அஸித பெரேரா (54) இன்று ஞாயிற்றுக்கிழமை காலமானார். சுகயீனம் காரணமாக கொழும்பிலுள்ள தனியார் வைத்தியசாலையொன்றில் அனுமதிக்கப்பட்ட நிலையிலேயே இவர் உயிரிழந்துள்ளார்.

ஜனாதிபதி சந்திரிகா பண்டாரநாயக்க குமாரதுங்கவின் காலப் பகுதியில் ஸ்ரீலங்கா முஸ்லிம் காங்கிரஸின் தேசிய பட்டியல் நாடாளுமன்ற உறுப்பினராக இவர் செயற்பட்டமை குறிப்பிடத்தக்கது.

தென் கொரியாவிற்கான இலங்கை தூதுவராக 2006ஆம் ஆண்டு தொடக்கம் 2009ஆம் ஆண்டு வரை கடமையாற்றிய இவரின் பூதவுடல் எதிர்வரும் புதன்கிழமை பொரளை கனத்தை மயானத்தில் நல்லடக்கம் செய்யப்படும் என அறிவிக்கப்பட்டுள்ளது.