தரம் 5 புலமைப் பரிசில் பெறுபேறு நாளை வெளியாகிறது - WWW. DONETS.LK பார்வையிடலாம்

(ஏ.எல்.ஜுனைதீன்)

தரம் 5  புலமைப் பரிசில் பரீட்சையின் பெறுபேறுளை நாளை வெளியிடவுள்ளதாக பரீட்சைகள் திணைக்களம்  அறிவித்துள்ளது.

நாளை 01-10-2013 பிற்பகல் வேளையில் பரீட்சைப் பெறுபேறுகளை இணையத்தளத்தில் வெளியிடவுள்ளதாக பரீட்சைகள் ஆணையாளர் நாயகம் டபிள்யூ.எம்.என்.ஜே.புஸ்பகுமார தெரிவித்துள்ளார்.

இதற்கமைய WWW. DONETS.LK என்ற இணையத்தளத்தில் தரம் 5 புலமை பரீசில் பெறுபேறுகளை பார்வையிட முடியும் என அவர் சுட்டிக்காட்டியுள்ளார்.

பெறுபேறு பட்டியல்களை நாளை மாலை பாடசாலைகளுக்கு தபால் மூலம் அனுப்பிவைக்கவுள்ளதாகவும் பரீட்சைகள் திணைக்களம் குறிப்பிட்டுள்ளது.

கடந்த ஆகஸ்ட் மாதம் 25ஆம் திகதி நடைபெற்ற ஐந்தாம் தர மாணவர்களுக்கான புலமைப்பரிசில் பரீட்சையில் 3 இலட்சத்து 29 ஆயிரத்து 725 மாணவர்கள் தோற்றியிருந்தனர்.

இப்பரீட்சை நாடு முழுவதும் 2 ஆயிரத்து 386 பரீட்சை நிலையங்களில் நடைபெற்றமை குறிப்பிடத்தக்கது.