வாக்களிப்பு நிறைவு - முதலாவது தேர்தல் முடிவு இரவு 10 மணிக்கு வெளியாகும்

வடக்கு மத்திய மற்றும் வடமேல் மாகாண தேர்தல் வாக்களிப்புகள் இலங்கை நேரப்படி பிற்பகல் 4 மணிக்கு சற்றுநேரத்திற்கு முன்னர் நிறைவுக்கு வந்துள்ளன.

ஆங்காங்கே சிறு வன்முறைச் சம்பவங்கள் பதிவுசெய்யப்பட்டுள்ளன. குறிப்பாக வடமாகாணத்தில் அதிக வன்முறைச் சம்பவங்கள் பதிவு செய்யப்பட்டுள்ளன.

அதேவேளை இன்று சனிக்கிழமை இரவு 10 மணிக்கு முதலாவது தேர்தல் முடிவுகளை வெளியிட முடியுமென தேர்தல்கள் ஆணையாளர் மஹிந்த தேசப்பிரிய தெரிவித்துள்ளார்.

மூன்று மாகாணங்களின் வாக்களிப்பு வீதம்

இன்று சனிக்கிழமை காலை 7 மணிக்கு ஆரம்பமாகி மாலை 4 மணிக்கு நிறைவடைந்த வடக்கு, வடமேல் மற்றும் மத்திய ஆகிய மூன்று மாகாணங்களின் வாக்களிப்பு வீதத்தை மாவட்ட தெரிவத்தாட்சி அதிகாரிகள் அறிவித்துள்ளனர்.

மத்திய மாகாணம்

கண்டி 58%
மாத்தளை 54%
நுவரெலியா 54.5%

வடமேல் மாகாணம்

புத்தளம் 55-60 %
குருநாகல் 55%

வடமாகாணம்

யாழ்ப்பாணம் 50%
கிளிநொச்சி 60%
வவுனியா 61%
முல்லைத்தீவு 63%
மன்னார் 70%