முறாசில் எழுதிய முஸ்லிம்களும் சமகாலப் பிரச்சினைகளும் சிலபதிவுகள் பாகம்- 1 (படங்கள்)

ஊடகவியலாளர் மூதூர் முறாசில் எழுதிய 'முஸ்லிம்களும் சமகாலப் பிரச்சினைகளும் சில பதிவுகள் பாகம்- 1'  என்னும் நூலின் அறிமுக வைபவம் நேற்று வெள்ளிக்கிழமை கொழும்பில் இடம்பெற்றது. 

ஸ்ரீலங்கா முஸ்லிம் மீடியா போரத்தின் பிரதித் தலைவர் கலைவாதி கலீல் தலைமையில் இலங்கை பத்திரிகை ஸ்தாபனத்தில் இடம்பெற்ற   இந்நிகழ்வில்;   நூலின் அறிமுகத்தினை சர்வதேச பார்வை சஞ்சிகையின் பிரதம ஆசிரியர் ரவூப் ஸெயின் மேற்கொண்டதுடன் ஜனாதிபதி சட்டத்தரணி எம்.எம். சுஹைர் 'இலங்கை முஸ்லிம்களின் எதிர்காலம்' எனும் தலைப்பில் சிறப்புரை நிகழ்த்தினார்.

நூலின் முதற் பிரதியை நீதி அமைச்சரின் இணைப்புச் செயலாளரும் ஸ்ரீலங்கா முஸ்லிம் காங்கிரஸின் உயர் பீட உறுப்பினருமான ரஹ்மத் மன்சூர் பெற்றுக்கொண்டார். 

இந்நிகழ்வில் ஸ்ரீலங்கா முஸ்லிம் மீடியா போரத்தின் தலைவர் என்.எம்.அமீன்,எஸ்.எப்.எம். அமைப்பின் நிறைவேற்றுப் பணிப்பாளர் முஹம்மது மஹ்ரூப், பீகாஸ் கல்வி நிறுவனத்தின் தலைவர் பொறியியலாளர் எம்.எம். அப்துல் றஹ்மான், இலங்கை ஏற்றுமதி அபிவிருத்திச் சபையின் நிறைவேற்றுப் பணிப்பாளர் கலாநிதி யூசுப் கே. மரைக்கார், ஜம்மியதுஸ் ஸபாப் அமைப்பின் உதவிப் பணிப்பாளர் ஸபர் ஸாலி உள்ளிட்ட பலர் கலந்து கொண்டனர்.