ஆபாச ஆட்டம் பார்த்த பாகிஸ்தான் வீரர்கள் சர்ச்சையில் சிக்கினர்

ஆபாச ஆட்டம் பார்த்த மூன்று பாகிஸ்தான் வீரர்கள் சர்ச்சையில் சிக்கியுள்ளனர். சிம்பாப்வே செல்லும் பாகிஸ்தான் அணி  இரண்டு டெஸ்ட் ,  இரண்டு “ருவென்டி20 ” ,  மூன்று ஒரு நாள் போட்டிகள் கொண்ட தொடரில் பங்கேற்கிறது. முதல்  “ ருவென்டி  20” 23 ஆம் திகதி தொடங்குகிறது. 

இந்நிலையில் சிம்பாப்வே புறப்படுவதற்கு சில மணி நேரத்திற்கு முன் லாகூரில் உள்ள தியேட்டரில்  பாகிஸ்தான் அணியின் வேகப்பந்நு வீச்சாளர் ஜுனைட் கான் ,  அன்வர் அலி ,  ஆசாத் அலி ஆகியோர் நடிகைகளின் ஆபாச நடன நிகழ்ச்சியைப் பார்த்துள்ளனர்.

இதனை தனியார் ரி.வி ஒன்று படம் பிடித்து அம்பலப்படுத்தியது. இது குறித்து அங்குள்ள நடனப் பெண் ஒருவர் கூறுகையில்  “ ஜுனைட் கானை இங்கு பார்த்தது மிகவும் வியப்பாக இருந்தது ” என்றார்.

சமீபத்தில் அணியின் முகாமையாளராக நியமிக்கப்பட்ட மொயின் கான் வீரரர்களின் ஒழுக்கம் குறித்துப் பேசி வரும் நிலையில் இப்பிரச்சினை பூதாகாரமாகியுள்ளது.