யா அல்லாஹ் இஸ்லாத்தின் தெளிவை அரியநேத்திரன் எம்.பிக்கு கொடுப்பாயாக..!

(அபூ அஸ்ஜத்)

அண்மையில் பாராளுமனறத்தில் வன்னி மாவட்ட பாராளுமன்ற உறுப்பினர் ஹூனைஸ் பாருக் ஆற்றிய உரை தொடர்பில் மட்டக்களப்பு மாவட்ட பாராளுமன்ற உறுப்பினர் அரிநேந்திரன்,மற்றும் விநோ நோகதாரலிங்கம் ஆகியோர் வெளியிட்டுள்ள கருத்துக்கள், ஹூனைஸ் பாருக் மீது தெரிவித்துள்ள கண்டனம் என்பவைகள் குறித்து ஜப்னா முஸ்லிம் செய்தி வெளியிட்டிருந்தது.

அன்று பாராளுமன்றத்தில் ஹூனைஸ் பாருக் ஆற்றிய உரை தொடர்பில் முதலில் சில விளக்கத்தை புரிந்து கொள்ள வேண்டியுள்ளது.பாராளுமன்ற உறுப்பினர் பாராளுமன்றத்தில் உரையாற்றும் போது தெளிவாக கூறிய விடயம் தான்,பௌத்த இனவாத பொதுபலசேனா போன்ற அமைப்புக்கள் முஸ்லிம்களின் மதத்தளங்கள் மீது மேற்கொள்ளும் தாக்குதல் மற்றும் அசிங்கப்படுத்தும் செயற்பாடுகளுக்கு இறைவனின் சாபம் உண்டாவதாக என்று கூறி,அதே போன்று அன்று புலிகள் முஸ்லிம்களின் மதத் தலங்களை வடக்கில் அழித்தார்கள்,அதற்கு இறைவன் வழங்கிய தண்டனை தான் அவர்கள் அழிந்து போனார்கள் என்று  கூறி,இஸ்லாத்திற்கும்,முஸ்லிம்களுக்கும் எதிராக மேற்கொள்ளப்படும் அநியாயக்காரர்களுக்கு இறைவனின் சாபம்(கோபம்)உண்டாவதாக என்று பிரார்த்தித்துள்ளார்.

இந்த உரையினை அவர் ஆற்றி சில தினங்களுக்கு பின்னர் தமிழ் தேசிய கூட்டமைப்பின் வன்னி பாராளுமன்ற உறுப்பினர் வினோ நோகதாரலிங்கம் ஊடகங்களுக்கு அறிக்கையொன்றினை வெளியிட்டிருந்தார்.அவரும் ஹூனைஸ் பாருக் எம்.பிக்கு எதிரான  விமர்சனத்தை செய்திருந்தார.பாராளுமன்றத்தில் உரையாற்றி இரு வாரங்கள் கழிந்த நிலையில் மட்டக்களப்பு மாவட்ட பாராளுமன்ற உறுப்பினர் அரிய நேந்தரன் சற்று அப்பால் சென்று முஸ்லிம்களின் பள்ளிவாசல்களை அழிப்பதற்கு பொதுபல சேனாவை உருவாக்கியது அல்லாஹ்வா? என்ற ஒரு கேள்வியினை எழுப்பியுள்ளார். இந்த கேள்வியானது அவரது பார்வையில் சரியாக இருக்கலாம்.ஆனால் அவருக்கு இஸ்லாம் பற்றிய அறிவை சொல்லி கொடுக்க வேண்டியது முஸ்லிம்களுக்கு கடமையாகின்றது.

ஒவ்வொருவரும் தாம் பின்பற்றும் கோட்பாடுகள்,மதக் கொள்கைகள் என்பன அவர்களது மதத்துக்கு ஒப்பாகும்.அதுவே சரியென்றும் வாதிடுவதை பாரக்கின்றோம்.ஆனால் இஸ்லாமியர்களை பொறுத்த வரையில் அவர்கள் எந்த சந்தரப்பத்திலும் முஸ்லிமாக இறைவன் ஒருவனையே விசுவாசம் கொண்டவனாக,அனைத்து காரியங்களும் அவனின் விதிப்படியே நடக்கின்றது என்பதை ஏற்றுக் கொண்டவனாகவே இருக்கின்றான்.ஆக்குவதும்,அழிப்பதும் கடவுளின் செயல் என பொதுவானதொரு எடுகோளை எல்லோரும் பேசுவதுண்டு,ஒருவனுக்கு ஒரு இடயூறு ஏற்பட்டுவிட்டாலோ,அல்லது நலது நடந்து விட்டாலோ கடவுள் சித்தம் என்று வேற்று மதத்தவர்கள் கூறுவதை கேள்வியுற்றுள்ளேன்.அதே போல் முஸ்லிம்கள் அல்லாஹ்வின் நாட்டப்படி தான் எல்லாம் இடம் பெறுகின்றது என்ற உயர்ந்த விசுவாசத்தை கொண்டுள்ளதையும் அரியநேந்திரன் பாராளுமன்ற உறுப்பினரின் கவனத்திற்கு கொண்டுவர விரும்புகின்றேன்.

இந்த நாட்டில் 3 தசாப்தம் நடை பெற்றது,பயங்கரவாதிகளின் ஆட்சி என்பதற்கு போதுமான சான்றிதழ்கள் உண்டு,கிழக்கில் தாங்கள் பிரதி நிதித்துவப்படுத்தும்,காத்தான்குடி பள்ளிவாசலுக்குள் வணக்கத்தில் இருந்த முஸ்லிம்களை பின்புறமாக சென்று துப்பாக்கியால் சுட்டு படுகொலை செய்தீர்களே இது தான் மனித நேயமா?சதாம் ஹூசைன் கிராமத்துக்குள் புகுந்து கர்பிணி தாயின் வயிற்றில் இருந்த சிசுவை வயிற்றை கிழித்து வதைக்க வதைக்க செய்த கொடுமைகள்,மறக்கக் கூடியதா?இதை செய்தவர்கள் தமிழ் மக்களா?இல்லவே இல்லையே பாசிச புலிகளின் மண்ணாசை வெறி,இந்த வெறியின் பின்னால் இருந்தவர்கள் உங்களைப் போன்றவர்கள் என்பதை மறந்துவிட்டு ஹூனைஸ் எம்.பியின் வாக்குக்கு கண்டனம் தெரிவிக்கின்றீர்களே,எந்தவொரு உயிரையும் பறிக்கும் அதிகாரம் அல்லாஹ்வை தவிர வேறு எவருக்கும் வழங்கப்படவில்லை என்பதை நீங்கள் எற்றுக் கொள்ளமாட்டீர்கள்,ஏனெனில் கடந்த 30 வருடம் நீங்கள் பறித்த உயிர்களின் பட்டியல்களை எம்மால் சமர்பிக்க முடியும்.

இரண்டாவது, அன்று பாராளுமன்றத்தில் ஹூனைஸ் எம்.பி உரையாற்றியதை குறிப்பாக சில தமிழ் ஊடகங்கள் முதற்பக்கத்தில் பிரசுரித்திருந்தன.பாராளுமன்ற உறுப்பினராக அவர் வந்து 3 வருடங்கள் கழிந்த நிலையில் அவரது எத்தனை உரைகளை முதற்பக்க செய்தியாக இந்த ஊடகங்கள் வெளியிட்டிருந்தன என்பதை கேட்க வேண்டும்.இருப்பினும் ஆளும் கட்சி வரிசையில் நின்று ஹூனைஸ் எம்.பி.உரையாற்றிக் கொண்டிருந்த போது,எதிர் கட்சி ஆசனத்தில் அமர்ந்திருந்து அவரது பேச்சை அங்கீகரித்த உங்களை பாராளுமன்ற தமிழ் தேசிய கூட்டமைப்பு பாராளுமன்ற உறுப்பினர்கள்,தேர்தல் என்ற ஒன்று வந்ததால் இந்த உரைக்கு பிழையான அர்தத்தை கற்பித்து,ஒற்றுமையாக வாழும்,தமிழ்-முஸ்லிம் மக்கள் மத்தியில் சலசலப்பை ஏற்படுத்த வகுக்கும் வியூகம் என்பதை மக்கள் நன்கறிந்து கொள்வார்கள்.தேவையான போது தமது சமூகத்திற்காக பேசாத உங்களைப் போன்ற அரசியல் வாதிகளால் மக்கள் எதிர் கொள்ளும் இடைஞ்சல்கள் தான் ஏராளம்.

முஸ்லிம்களை பொறுத்த வரையில் சட வாதத்தினை ஒரு போதும் தமது தலைமைகளாக ஏற்றுக் கொண்டதில்லை.முஸ்லிம் என்றால் அவன் அல்லாவுக்கு கட்டுப்பட்டவன்,இறைவனின் திருப்தியையே நாடி செயற்படுபவன்,அவன் வேறு கடவுள்களை வணங்குவதுமில்லை,ஏற்றுக் கொள்வதுமில்லை.இவ்வாறு இருக்கும் போது பாராளுமன்ற உறுப்பினர் அரியநேத்திரன் முஸ்லிம் எம்பிக்கள் அல்லாஹ்வின் பெயரை சொல்லி அரசியல் செய்யக் கூடாது என்று கூறுவது அவருக்கு பொருத்தமானதாக இருந்தாலும்,முஸ்லிம்களை பொறுத்த வரையில் அது முற்றாக நிராகரிக்கப்படுகின்ற ஒரு கருத்தாகும்.

இஸ்லாமிய வரலாற்றில் இறைதுாதர்கள் இஸ்லாமிய பிரசாரங்களை செய்த போது,இறைவன் பல்வேறு சோதனைகளை ஏற்படுத்தினான்.அது அவர்கள் இறைவனின் மீது கொண்டுள்ள விசுவாசத்தை உறுதி செய்யும் ஒன்றாகவே அமைந்தது.பல சந்தரப்பங்களின் இஸ்லாத்தின் எதிரிகள் மேற்கொண்ட சொல்ல முடியாத துன்பங்களிலும்,அல்லாஹ்வை தவிர வேறு எவரையும் இலாஹ்(கடவுளாக )ஏற்றுக் கொள்ள மறுத்த சம்பவங்கள் இஸ்லாமிய வரலாற்றில் உள்ளது.இதனை கௌரவ பாராளுமன்ற உறுப்பினர் வாசித்து தெரிந்து கொள்ள முயற்சிப்பார் எனில்,பொதுபலசேனாவை உருவாக்கியது அல்லாஹ்வா,பள்ளிவால்களை தாக்க சொன்னது,பா்தாவை அகற்றச் சொன்னது அல்லாஹ்வா?என்ற குதர்க்கமான கேள்விகளை கேட்டிருக்க மாட்டார் என்பத எனது அவதானமாகும்.

எது எவ்வாறாக இருந்தாலும்,வடக்கில் தேர்தல் ஒன்று இடம் பெறப் போகின்றது.தமிழ் மக்களினை முஸ்லிம்களுக்கு எதிராக சீண்டச் செய்வதன் மூலம்,வாக்குகளை அதிகரித்துக் கொள்ளலாம் என்று யாரோ சொன்ன கதைக்கு இரண்டுவாரங்கள் கழிந்த நிலையில் அரியநேத்திரன் எம்.பியின் அறிக்கை வெளியாகியிருப்பதன் பின்னணி தெளிவாக உள்ளது.யா அல்லாஹ் இஸ்லாத்தின் தெளிவை அரியநேத்திரன் எம்.பிக்கு கொடுத்து முஸ்லிம்கள் மீது இறக்கம் கொள்ளும் மனதை எற்படுத்திவிடு..இது எமது பிரார்த்தனையாகும்