கல்முனை மேயரே, சுகாதார பரிசோதகர்களே இது உங்களின் கவனத்திற்கு (படங்கள்)

(ஏ.எல்.ஜுனைதீன்)

  இப் புகைப்படங்கள் எங்கு எடுக்கப்பட்ட காட்சிகள் என உங்களால் கண்டு பிடிக்க முடிகின்றதா? சாய்ந்தமருதை அடுத்துள்ள குடியேற்றக் கிராமமான பொலிவேரியன் கிராமத்தை அடுத்துள்ள ஒரு இடத்தில் மாடுகளை உணவுக்காக அறுக்கும்  இடத்தின் காட்சிதான் இது. தனிப்பட்ட நபரால் நடத்தப்படுகின்றது எனவும் அங்கு கூறப்பட்டது.

  கடந்த 2013.08.30 ஆம் திகதி வெள்ளிக்கிழமை இப்படம் எடுக்கப்பட்டது. அன்றைய தினம் மட்டும் இவ்விடத்தில் 46 மாடுகள் அறுக்கப்பட்டதாக அங்கிருக்கும் முஅதீன் எனக் கூறிக் கொள்ளும் நபர் ஒருவர் தகவல் தந்தார். சாய்ந்தமருது, கல்முனைக்குடி ஆகிய இரண்டு ஊர்களுக்குமே இவ்வாறு இறைச்சி விற்பனை செய்வதற்காக  அன்று இவ்விடத்தில் இத் தொகை மாடுகள் அறுக்கப்பட்டதாகவும் அவர் கூறினார். சுகாதார பரிசோதகர்கள் இங்கு வருவார்களா? எனக் கேட்டபோது  வருவதாகவும் கூறினார். ஆனால், அங்கு எந்த சுகாதாரப் பரிசோதகர்களையும் காணக் கிடைக்கவில்லை. இப் பிரதேச சுகாதார அதிகாரிகள் மற்றும் சுகாதாரப் பரிசோதகர்கள் மற்றும் அதிகாரிகளின் கவனத்திற்காக இப்படங்களைத் தருகின்றோம்.