கிரண்பாஸ் பழைய பள்ளிவாசலுக்கு காத்திருக்கும் ஆபத்து

பௌத்தசாசன அமைச்சில் இன்று ஞாயிற்றுக்கிழமை நடைபெற்ற பேச்சுவார்த்தையில் பழைய பள்ளிவாசலிலேயே முஸ்லிம்கள் தொழுகையில் ஈடுபட வேண்டுமென தீர்மானிக்கப்பட்டுள்ளது.

எனினும் பழைய பள்ளிவாசலில் தொழுவதில் முஸ்லிம்களுக்கு சில ஆபத்துக்கள் காணப்படுவதாக சுட்டிக்காட்டப்படுகிறது.

அதாவது இப்பழைய பள்ளிவாசல் இதுவரை பௌத்தசாசன அமைச்சில் பதிவு செய்யப்படவில்லையென அறியவருகுறிது. எதிர்காலத்தில் இதனை காரணம் காட்டி சிக்கல்கள் தோன்றலாம்.

ஏற்கனவே பழைய பள்ளிவாசலுக்கு அருகில் அரச மரம் உள்ளதையும் காரணம் காட்டித்தான் அந்த பள்ளிவாசல் அகற்றப்பட வேண்டுமென பௌத்தசிங்கள இனவாதிகள் வலியுறுத்தவே அருகில் புதிய பள்ளிவாசல் அமைக்கப்பட்டது. புதிய பள்ளிவாசலே பௌத்தசாசன அமைச்சில் பதிவு செய்யப்பட்டுள்ளது.

மேலும் அரச மரத்தை பௌத்தர்கள் புனிதமாக கருதும் நிலையில் கிரண்பாஸ் பழைய பள்ளிவாசலுக்கு அருகில் காணப்படும் அரச மரத்தை பௌத்தர்கள் வெட்டுவதற்கு அனுமதிப்பார்களா என்பதிலும் சந்தேகங்கள் உள்ளன.

இருந்தபோதும் கிரண்ட்பாஸ் பழைய பள்ளிவாசலை பௌத்தசாசன அமைச்சில் புதிதாக பதிவதற்கு  பௌத்த கடும்போக்குவாதிகள் இணக்கம் வெளியிட்டதாக இதுதொடர்பிலான பேச்சுவார்த்தையில் பங்கேற்ற முஸ்லிம் பிரமுகர் ஜப்னா முஸ்லிம் இணைத்யத்திடம் கூறினார்.