மஹியங்கனையிலுள்ள முஸ்லிம் வர்த்தகர்களுக்கு தொடர்ந்தும் நெருக்கடி..!

மஹியங்கனையில் அச்சுறுத்தையடுத்து பள்ளிவாசல் மூடப்பட்டுள்ள போதிலும் அங்குள்ள முஸ்லிம் வர்த்தகர்களுக்கு தொடர்ந்து நெருக்கடி கொடுக்கப்படுவதாகவும், அவர்கள் மஹியங்களையை விட்டு வெளியேற வேண்டுமென அழுத்தம் பிரயோகிக்கப்படுவதாகவும் அறியவருகிறது.

மஹியங்கனை முஸ்லிம் வர்த்தகர்கள் தாம் எதிர்நோக்கும் நெருக்கடிகள் குறித்து சில முஸ்லிம் அரசியல்வாதிகளின் கவனத்திற்கும் கொண்டுவந்தள்ளனர்.

மஹியங்கனையில் 66 கடைகளை முஸ்லிம்கள் நடாத்தி வருகின்றனர். இவற்றில் 6 கடைகள் முஸ்லிம்களுக்கு செர்நதமானவை. ஏனைய கடைகளுக்கு முஸ்லிம்களினால் உரியமுறையில் வாடகை செலுத்தப்பட்டு வருகிறது. 

சொந்த கடைகளை சிங்களவர்களிடமிருந்து பெற்றவர்களுக்கு அந்த கடைகளை மீறப்பெறுமாறும், முஸ்லிம்களுக்கு கடைகளை வாடகைக்கு வழங்குவோர் எதிர்வரும் காலங்களில் முஸ்லிம்களுக்கு வழங்கக் கூடாதென அழுத்தம் பிரயோகிகப்படுவதாகவும் தெரிவிக்கப்படுகிறது.

இதனால் மஹியங்கனையில் வர்த்தக நடவடிக்கையில் ஈடுபட்டுள்ள முஸ்லிம் வியாபாரிகள் மனச்சோர்வு அடைந்துள்ளதாகவும் அரசியல் பிரமகர் ஒருவர் தெரிவித்தார்.