மருதமுனை ஜமீலின் 'காற்றை அழைத்துச் சென்றவர்கள்'

(யு.எம்.இஸ்ஹாக்)

மருதமுனை ஜமீல் எழுதிய  காற்றை அழைத்துச் சென்றவர்கள்  கவிதை நூல் வெளியீட்டு விழா  எதிர் வரும் சனிக்கிழமை 06.07.2013 மருதமுனை பொது நூலக மண்டபத்தில் நடை பெறவுள்ளது 

கவிஞர் அரணிலா  ஏ .ஆர்.நிஹ்மத்துல்லா  தலைமையில் இடம் பெறும்  நிகழ்வில் கவிஞர்  ஏ .எம்.குர்சித் நூல் அறிமுகத்தையும் விமர்சன உரையை  கலாநிதி  ரமீஸ் அப்துல்லா, கவிஞர் அலறி றிபாஸ், கவிஞர் எஸ்.நளீம், கவிஞர் ஜிப்ரி ஹாசன்  ஆகியோரும் நிகழ்த்தவுள்ளனர்.

நிகழ்வில் பிரதம அதிதியாக கிழக்கு மாகாண  சபை உறுப்பினர் சட்டத்தரணி ஆரிப் சம்சுதீன், விசேட அதிதியாக முன்னாள் கிழக்கு மாகாண  சபை உறுப்பினர் சட்டத்தரணி துல்சான் , பெண்கள் செயல் முன்னணி ஆராய்ச்சி நிறுவன பணிப்பாளர் எம்.எஸ்.ஜலீல்  ஆகியோரும்  ,சிறப்பு அதிதிகளாக  பிரதிப் பதிவாளர் எம்.எப்.கிப்பதுல்கரீம்,பிரதேச செயலாளர் ஏ .எம்.அப்துல் லதீப் ஆகியோரும் கலந்து சிறப்பிக்கவுள்ளனர் .

கவிதை நூலின் முதல் பிரதியை  கவிஞர் தம்பிலெப்பை இஸ்மாயில்  அவர்களும் விசேட பிரதிகளை பிறை எப்.எம். கட்டுப்பாட்டாளர்  பசீர் அப்துல் கையூம்  , எம்.ஐ.உபைதூர் ரகுமான் ஆகியோரும் பெறவுள்ளனர் .

மர்ஹூம்  ரகுமத் உம்மா அரங்கில்  எம்.ஏ.நசீர் தொகுத்து வழங்கும் இவ்வெளியீட்டு விழாவில் கவிஞர் எம்.எம்.முபீன் வரவேற்புரை வழங்க  நூல் ஆசிரியரான கவிஞர் ஜமீல் ஏற்புரை நிகழ்த்தவுள்ளார்.