மதீனா வீதிகளில் சுற்றத்திரிந்த புலி

(Inne) சவூதி அரேபியாவின் மதீனா நகரின் அல்பரக்கா சுற்றுப்புறங்களில்  புலி ஒன்று உறுமியபடி திரிந்ததால் பரபரப்பும் படபடப்பும் ஏற்பட்டது. தனது எஜமானரின் வீட்டிலிருந்து

எப்படியோ தப்பி வந்த புலியைக் கண்டு கிலி அடைந்த அவ்வூர்வாசிகள் பாதுகாப்புப் படையினருக்குத் தகவல் அளித்தனர்.  பின்னர் சுல்தானா வீதியில் சுற்றித் திரிந்த புலியை கடும் சிரமத்திற்குப் பின்னர் மயக்கமடையச் செய்து பாதுகாப்புப் படை வீரர்கள் பிடித்தனர்.

உரியவரிடம் மீண்டும் புலியை ஒப்படைக்கும் முன்பு அவருக்கு எச்சரிக்கை விடப்பட்டது. மீண்டும் புலியை வீட்டிற்கு வெளியே பார்த்தால் கடும் நடவடிக்கை எடுக்கப்படும் என்று புலியின் உரிமையாளர் எச்சரிக்கப்பட்டுள்ளார்.