காதி நீதிபதியாக நியமனம்

இரத்தினபுரி மாவட்டத்தின் காதி நீதிபதியாக  எம். இபாம் யெஹ்யா Judicial  Service Commission ஆல் 2013 ஆகஸ்ட் மாதம் முதல்   நியமனம் பெற்றுள்ளார். மகரகம கபூரியா அரபுக்கல்லூரியில் இஸ்லாமிய கல்வி கற்ற இவர் இரத்தினபுரி சீவலி மத்தியக்கல்லூரியின் பழைய மாணவருமாவார். வர்த்தக முகாமைத்துவத்தில் B.B.A பட்டம் பெற்றுள்ள இவர் 1999ம் வருடத்துக்கான இரத்தினபுரி மாவட்டத்தின் சிறந்த வர்த்தகருக்கான (Best Entrepreneur) விருதைப் பெற்றுள்ளதுடன் இரத்தினபுரி மாவட்ட வர்த்தக சங்கத்தின் பணிப்பாளராக 14 வருடங்கள் கடமையாற்றியுள்ளார்.

சிறந்த சமூக சேவையாளராகவும் இன, மத பேதமின்றி பொது வேலைகளில் ஈடுபட்டுக்கொண்டிருப்பவராகவும் இருக்கும் இவர் 'சப்தா' (Safda) என்ற பெயரில் ஒரு நிறுவனத்தை நிறுவி வட்டியில்லாத கடன் மூலம் சமூகத்துக்கு தன்னால் இயன்ற உதவிகளை செய்து வருகின்றார். பலாங்கொடை 'யுனிவர்சல்' சர்வதேச பாடசாலையின் முகாமையாளராக தற்போது கடமையாற்றி வரும் இவர் அகில இலங்கை சமாதான நீதிவானுமாவார். கடந்த 35 வருடங்கள் காதி நீதிபதியாக இரத்தினபுரி மாவட்டத்தில் கடமையாற்றிய மர்ஹும் அல்லாஹ் எம்.எச்.எம். யெஹ்யா,  ஐனுல் பெகளசியா தம்பதிகளின் புதல்வரும் இரத்தினபுரி மாகாணசபை அங்கத்தவரான அல்ஹாஜ் யெஹ்யா எம். இகப்லாரின்  சகோதரருமாவார். இவர் மூன்று பிள்ளைகளின் தகப்பனாகவும் நல்ல கணவராகவும் திகழ்ந்து வருகிறார்.