பள்ளிவாசலைத் திறந்துவிடு..!

மர்ஹும் எம்.எச்.எம்.அஷ்ரஃப் (நான் எனும் நீயிலிருந்து)

பள்ளிவாசலைத் திறந்துவிடு

பக்தன் வந்து நிற்கின்றேன் !

உள்ளே இருக்கும் மின்குமிழை

உடனே இயக்கி ஒளிப்பாய்ச்சு !

வெள்ளைச் சீலையை வீசியெறி

வெற்றுத் தரையில் வணங்கவிடு !

நள்ளிரவில் வந்ததனால்

முடியாதென்று சொல்லாதே !

தொழுகைக்கான அழைப்பின்றி

வந்தால் கதவைத் திறவாயோ !

அவனை வணங்க வேளையுமோ

ஆசையுடனே வந்துள்ளேன்

பள்ளிவாசலைத் திறந்துவிடு

பக்தன் வந்து நிற்கின்றேன் !

பள்ளி திறந்து இருக்கையிலே

பாவம் செய்து திரிந்தாலும்

தொழுவதற்காய் வந்தவனை

துரத்தலும் பாவம் அறிவாயோ !

பாவம் புண்ணியம் என்றெல்லாம்

பேரிதாய் உலகம் பேசினாலும்

மன்னிப்பளிக்கக் காத்துள்ளான்

மறுக்கா கதவைத் திறவாயோ !

எந்த நேரமும் வருவேன் நான்

எழிலாய் இதனை வைத்திடுவாய்

பள்ளிவாசலைத் திறந்துவிடு

பக்தன் வந்து நிற்கின்றேன் !