'சுன்னத் ஜமாஅத்தை பொதுபல சேனாவுடன் இணைத்துப் பேசுவது கீழ்த்தர செயற்பாடு' - ஜமாலி

(ஜமாலி)

இலங்கையில் இருக்கும் சமகால முஸ்லிம் இயக்கங்கள் மத்ஹபுகளையும் அவைகளின் இமாம்களையும் தூக்கி வீசும் போது இவர்கள் அமைக்கப் போகும் தேசிய ஷ{ரா சபையானது என்ன தகுதியைக் கொண்டிருக்கும் என்பதை யாருக்கும் சொல்லித் தெரிய வேண்டிய அவசியமில்லை. 

குர்ஆனும் ஸுன்னாவும் இருக்கும் போது எதற்கு இமாம்களும் மத்ஹபுகளும் என்று கேட்போர் அறிவீனர்களாக இருக்க வேண்டும் அல்லது முஸ்லிம் விரோத சக்திகளின் கைக்கூலிகளாக இருக்க வேண்டும். அதுவும் இல்லையென்றால், சித்தம் கலங்கியவர்களாக இருக்க வேண்டும். 

குர்ஆனையும், ஹதீதுகளையும் எமக்குக் காட்டியவர்கள் இமாம்கள்தான். அவ்விரண்டின் தெளிவுகளையும் இமாம்களின் துணையின்றி பெற்றுக்கொள்ள முடியாது என்பது ஆணித்தரமான கூற்றாகும். 

இமாம்களையும் மத்ஹபுகளையும் மறுப்போர் குர்ஆனையும் ஹதீதையும் மறுப்பதற்கு சமனாவர் ஏனென்றால், அவர்கள்தான் இஸ்லாத்தின் 1ம் நூற்றாண்டில் வாழ்ந்தவர்கள். அவர்கள்தான் குர்ஆனுக்கும் ஹதீதுக்கும் விரிவுரை தந்தவர்கள். இஸ்லாத்தின் சட்டக்கலையின் தந்தைகளும் அவர்கள்தான். அவர்களை மறுப்பதானது இஸ்லாமிய சட்டக்கலையை மறுப்பதாகும். 

மரணப்படுக்கையில் வழிகெடுக்கும் ஷெய்த்தான் நரகை சுவனமாகவும், சுவனத்தை நரகமாகவும் காட்டுவது போல, இந்த இயக்கவாதிகள் இறைநேசர்களும், மாமேதைகளுமான இமாம்களைத் தூக்கி வீசி மத்ஹபுகளைப் புறக்கணித்துக்காட்டி இவர்களின் இயக்கங்களை தஃவா இயக்கங்களாகவும் இவர்களையும் இவர்களின் இயக்கங்களின் தலைவர்களான முஸ்லிம் விரோத கூலிகளை பெரிய இமாம்களாகவும் காட்ட முயற்சிக்கின்றனர். அவ்வாறுதான், தற்போது இவர்கள் அமைக்கப்போகும் ஷ{ரா சபையுமாகும். என்ன தைரியம் இவர்களுக்கு? இமாம்களையும் மத்ஹபுகளையும் செல்லாக்காசாக்கிவிட்டு இவர்கள் உருவாக்கும் இயக்கங்களையும் ஷுரா சபைகளையும் முஸ்லிம் மக்களிடம் விதைக்க வருகின்றனர். யார் இவர்கள்? இவர்களின் தகுதி என்ன? என்பதைப் புரியாமல் பெரிய முல்லாக்களாக காட்ட முற்படுவதை முஸ்லிம் மக்கள் நம்ப வேண்டுமா? இதைவிடப் பெரிய ஜோக் வேறு ஒன்றுமில்லை. 

கடந்த 19.06.2013ம் அன்று அம்பாறை மாவட்ட அஹ்லுஸ் சுன்னத் வல்ஜமாஅத் உலமா சபை சார்பாக அதன் தலைவர் என்ற வகையில் தேசிய ஷுரா சபை தொடர்பாக ஒரு அறிக்கையை வெளியிட்டிருந்தேன். அந்த அறிக்கைக்கு இயக்கங்களின் தீவிர ஆதரவாளர்கள் கருத்துத் தெரிவித்திருந்தார்கள். அக்கருத்துக்கள், இமாம்களையும், மத்ஹபுகளையும் சாடி எழுதப்பட்டிருந்தன. 

இமாம்களைத் தூக்கி வீசும் இவர்கள் ஐரோப்பியர்களின் அடிவருடிகளான 

1. பீ ஜே

2. மௌதூதி

3. இல்யாஸி

4. நஜ்தி

5. அல்பானி

6. கர்ளாவி

போன்றவர்களை தலையில் தூக்கி ஆடுகிறார்களே அதன் உள்நோக்கம் என்ன? இவர்களின் அறிவுத்தகைமைகள் என்ன? அமல்களின் ஆழம் என்ன? இவர்களின் பூர்வீகம் என்ன? என்பதையெல்லாம் அறியாதவர்கள் இங்கு யாருமில்லை.

இவர்களை விட இமாம்கள் தகுதி குறைந்து விட்டார்களா?

அன்பானவர்களே! உங்களின் அவதானத்திற்கு புஹாரியில் பதிவான ஒரு ஹதீதை முன்வைக்கிறேன்.

ஷஷபின் ஒரு காலம் வரும் அப்போது (அறிவிலும் வயதிலும்) சில குறை மதியாளர்கள் தோன்றுவார்கள். அவர்கள் இஸ்லாம் பேசுவார்கள், ஆதாரங்களை அள்ளி வீசுவார்கள், அவர்களின் தொழுகை நோன்பு, அமல்கள் யாவும் அபாரமாகத் தோன்றும். ஆனால், அவர்கள் திருக்குர்ஆன் ஓதுவார்கள், அது தொண்டைக்குழியுடன் நின்றுவிடும், உள்ளத்திற்குச் செல்லாது. அவர்களின் ஈமானுடைய தகுதியானது வில்லில் இருந்து அம்பு பாய்வது போல் ஈமான் அவர்களை விட்டும் வெளியேறி விடும்.||

இந்த ஹதீதானது இத்தகைய இயக்கவாதிகளுக்கு இலக்கணமாகும். இவர்கள் குர்ஆன் ஓதுகிறார்களோ இல்லையோ? அல்லது தொழுகிறார்களோ இல்லையோ? அல்லது நோன்பு நோற்கிறார்களோ இல்லையோ? அவைகளை நாங்கள் பெரிதாக அலட்டிக் கொள்ள வில்லை. ஆயினும், அவர்கள் பெரிய நீளமான தாடி வைத்திருக்கிறார்கள், ஜுப்ஆ அணிந்திருக்கிறார்கள், பெரிய முல்லாக்களைப் போல வேஷம் போட்டிருக்கிறார்கள். இவர்கள்தான், அல்லாஹ்வின் தூதர் காட்டிய ஈமான் பறிக்கப்பட்டவர்களாவர் என்பதை அனைவரும் அறியக்கூடியதாகவிருக்கிறது. 

ஒரு குருடனுக்கு பாதையைக் கடக்க ஒரு துணை வேண்டும், ஒரு நோயாளிக்கு குணமடைய ஒரு வைத்தியர் வேண்டும், ஒரு மகனுக்கு உணவு கொடுக்க ஒரு தாய் வேண்டும், ஒரு மனிதனுக்கு கற்பிக்க ஆசிரியர் வேண்டும். அதேபோல, குர்ஆனையும் ஹதீதுகளையும் அறிய இமாம்கள் வேண்டும். இதில், என்ன ஷpர்க் இருக்கின்றது? இது கூட இவர்களுக்கு புரியாமல் போய்விட்டது. 

இமாம்களின் வழியில்  ஷரீஆவைப் பின்பற்றுவது ஷpர்க் என்றால் ஒரு நோயாளி வைத்தியனைத் தேடுவதும், கண் தெரியாதவன் ஒரு துணையைத் தேடுவதும் இயக்கவாதி களின் கருத்துப்படி ஷpர்க்காகி விடுமே!

இந்த இயக்கங்களின் இரகசியம் எமக்கு நன்கு தெரியும். அமெரிக்காவுக்கும், ஐரோப்பாவிற்கும் அடிமைப்பட்டுள்ள அரபு நாடுகளின் பணம் இவர்களுக்கு வருகிறது. இப்பணம் வரத் துவங்கிய காலம் 1980இற்குப் பின்தான். அதற்கு முன் பணம் வரவில்லை, இந்த இயக்கங்களும் வரவில்லை. 

இலங்கைக்கு இஸ்லாம் இயக்கவாதிகளால் வரவில்லை. ஆயிரக்கணக்கான இறைநேசர்களாலும், தரீக்காவுடைய ஷெகுகுமார்களாலும்தான் இஸ்லாம் வந்தது. தரீக்காக்களின் ஷெகுகுமார்களின் துணையால்தான் தென் இலங்கையிலிருக்கும் பாரம்பரிய பஹ்ஜி, கபூரி, ஜிப்ரி, பாரி, மஹ்ழரி போன்ற அரபுக்கல்லூரிகள் தோன்றின. அக்கல்லூரிகளில் இருந்து பட்டம் பெற்ற உலமாக்கள்தான் இந்த நாட்டில் இஸ்லாத்தைப் பாதுகாத்தவர்களும் வளர்த்தவர்களுமாவர். அத்துடன், உலகின் மிகப்பெரிய முதலாவது தரீக்காவுடைய நாயகம் குவலயம் போற்றும் குத்பு நாயகம் அவர்களின் தரீக்காவில் வளர்ந்த அல்லாமா மாப்பிள்ளை லெப்பை ஆலீம் (ரஹ்) அவர்கள்போன்ற மகான்களின் வருகையாலும்தான் இஸ்லாம் இலங்கையில் மலர்ந்தது. இவ்வாறான சுன்னத் வல் ஜமாஅத் சகோதர்களை  பொதுபல சேனாவுடன்  உடன் இணைத்துப் பேசுவது எவ்வளவு கீழ்த்தரமான செயற்பாடாகும். இது தொடர்பாக எவரும் கவலைப்படவோ அஞ்சவோ இல்லை. இதுவே, இன்றுள்ள நிலைப்பாடாகும். 

அல்லாஹு அக்பர்