ஜமாஅதே இஸ்லாமியின் 'வளமான வியாபாரம் நலமான வாழ்வு' கருத்தரங்கு

(பஷிர் அலி)

இலங்கை ஜமாஅதே இஸ்லாமி ஹெம்மாதகமை கிளையின் வியாபார அபிவிருத்திச் சங்கம் Insight நிறுவனத்துடன் இணைந்து 2013.05.31 வெள்ளிக்கிழமை வியாபாரிகளுக்கான ‘வளமான வியாபாரம் நலமான வாழ்வு’ எனும் தொனிப்பொருள் தாங்கி அல் அஸ்ஹர் நவோத்ய பாடசாலை கேட்போர் கூடத்தில் கருத்தரங்கொன்றை நடாத்தியது.

பிரதேசத்தில் வாழும் 220 வியாபாரிகள் இதில் கலந்து பயன்பெற்றனர் இந் நிகழ்வினை ஆசிரியர் இக்பால் (SLBC) அவர்கள் வழிநடாத்தினார்கள். மேலும் தலைமையுரை மற்றும் வரவேற்புரையை இலங்கை ஜமாஅதே இஸ்லாமி ஹெம்மாதகமை கிளையின் நாஸிம் சகோதரர் A.J ஹிஷாம் அவர்கள் நிகழ்த்தினார்.

இக்கருத்தரங்கில் ‘வியாபார அபிவிருத்தி’ (BUSINESS DEVELOPMENT) எனும் தலைப்பில் INSIGHT நிறுவனத்தின் தலைமை நிறைவேற்று அதிகாரி சகோதரர் ஹில்மி ஸூலைமான் அவர்களும் ‘வாடிக்கையாளர்களை கவர்வது எவ்வாறு’ எனும் தலைப்பில் RAINCO தனியார் நிறுவனத்தின் உரிமையாளர் S.L.M பவுஸ் அவர்களும் விளக்க உரைகளை நடாத்தினர்.