ஆசிரியை மீது கணவனும், மனைவியும் இணைந்து தாக்குதல் (படங்கள்)

(அப்துல்சலாம் யாசீம்)

திருகோணமலை மஹதிவுல்வௌ தெவனிபியவர பாலர் பாடசாலை ஆசிரியை மீது கணவன்,மனைவி ஆகியோர் தாக்கியதாக கூறி மொறவௌ பொலிஸ் நிலையத்தில் முறைப்பாடு செய்துள்ளார்.

தாக்கப்பட்டவர் சிவில் பாதுகாப்பு திணைக்களத்தில் கடமையாற்றும் ஆசிரியையான கே.எம்.டில்றுக்சி (வயது - 24) என்பவரே தாக்குதலுக்குள்ளானவர் என பொலிஸார் தெரிவித்தனர்.

பாலர் பாடசாலைக்கு இன்று 26ம் திகதி காலை சென்று கொண்டிருந்தபோது கணவரும்.மனைவியும் தாக்கியதாகவும், கணவர் கழுத்தப்பகுதியில் அடித்ததாகவும்,மனைவி கல்லால் காலில் அடித்ததாகவும் முறைப்பாட்டில் தெரிவிக்கப்பட்டுள்ளது.

பாதிக்கப்பட்ட ஆசிரியை  தற்போது மஹதிவுல்வௌ கிராமிய வைத்தியசாலையில் அனுமதிக்கப்பட்டு சிகிச்சை பெற்று வருகின்றார். மொறவௌ பொலிஸார் விசாரணைகளை மேற்கொண்டு வருகின்றனர்.