சாய்ந்தமருது பிரதான வீதியில் பகலில் எரியும் தெருவிளக்குகள் (படங்கள்)

(ஏ. எல். ஜுனைதீன்)

    கல்முனை மாநகர சபைக்குட்பட்ட சாய்ந்தமருது பிரதான வீதியில் எரியவிடப்படும் தெருலாம்புக்கள் சில நாட்களில் பட்டப் பகலிலும் எரிந்து கொண்டிருப்பதைக் காணக்கூடியதாக இருப்பதாக இப்பிரதேச வரியிறுப்பாளர்கள் கவலை தெரிவிக்கின்றனர்.

    இரவு நேரத்தில் வீடுகளில் எரிய விடப்படும் மின் குமிழ் ஒன்றை எரிய விடாதிருப்பதன் மூலம் மின்சாரப் பாவணையைக் குறைத்து கூடிய கட்டணத்திலிருந்து தங்களின் பணத்தை மீதப்படுத்திக் கொள்ளுங்கள் என பொதுமக்களுக்கு ஆலோசணை வஃழங்கப்பட்டுக் கொண்டிருக்கும் இக்கால கட்டத்தில் இவ்வாறு கல்முனைப் பிரதேசங்களில் பகல் நேரங்களிலும் தெரு லாம்புக்கள் எரிந்து கொண்டிருப்பது மின்சாரத்தை வீண் விரயம் செய்வதுடன் இதற்காக எமது வரிப்பணமும் செலவாகின்றதே என இப்பிரதேச மக்கள் கூறுகின்றனர். இப்படம் இன்று 30 ஆம் திகதி ஞாயிற்றுக்கிழமை காலை 8.15 மணிக்கு எடுக்கப்பட்டது.

    கல்முனை மாநகர மேயர் இது சம்மந்தமாக நடவடிக்கை எடுக்க வேண்டும் என மக்கள் வேண்டுகோள் விடுக்கின்றனர்.