களுத்துறை மாவட்ட இஸ்லாமியர்களின் எண்ணிக்கை..!

(ஏ.எல்.ஜுனைதீன்)

    களுத்துறை மாவட்டத்தில் 14 பிரதேச செயலகப் பிரிவுகளிலும் மொத்தமாக 1 இலட்சத்து 14 ஆயிரத்து 422 இஸ்லாமியர்கள் வாழ்வதாக தொகை மதிப்பு புள்ளி விபரத் திணைக்களம் “ சமயம் மற்றும் மாவட்ட ரீதியில் பிரதேச செயலாளர் பிரிவுகளின் சனத் தொகை விபரம்” எனும் தலைப்பில் இறுதிக் கணகெடுப்பின் பின்னர் வெளியிட்டுள்ள அறிக்கையில் தெரிவித்துள்ளது.

    இம் மாவட்டத்தில் பிரதேச செயலக ரீதியாக கணக்கெடுக்கப்பட்டுள்ள இஸ்லாமியர்களின் எண்ணிக்கை விபரம் வருமாறு,

பிரதேச செயலகம்	இஸ்லாமியர்களின் எண்ணிக்கை
பேருவலை	56990  பேர்
பானந்துறை	26264  பேர்
களுத்துறை	12528  பேர்
பண்டாரகம	12251  பேர்
மதுகம	3012  பேர்
புலத்சிங்கள	2232  பேர்
பாலிந்தநுவர	624  பேர்
ஹொரண	172  பேர்
தொடங்கொட	93  பேர்
அகலவத்த	86  பேர்
மில்லனிய	57  பேர்
மதுராவெல	53  பேர்
இங்கிரிய	45  பேர்
வலல்லாவிற்ற	15  பேர்

    இம்மாவட்டத்தில் மொத்தமாக 12 இலட்சத்து 17 ஆயிரத்து 260 பேர் வாழ்ந்து கொண்டிருப்பதாகக் கணக்கெடுக்கப்பட்டிருக்கிறது. இவர்களில் 10 இலட்சத்து 16 ஆயிரத்து 632 பேர் பெளத்தர்களாகவும், 1 இலட்சத்து 14 ஆயிரத்து 422 பேர் இஸ்லாமியர்களாகவும், 39 ஆயிரத்து 773 பேர் இந்துக்களாகவும், 38 ஆயிரத்து 80 பேர் றோமன் கத்தோலிக்கர்களாகவும் 8 ஆயிரத்து 29 பேர் ஏனைய கிறிஸ்த்தவர்களாகவும், 324 பேர் ஏனைய சமயங்களைச் சேர்ந்தவர்களாகவும் கணக்கிடப்பட்டிருப்பதாகத் தொகை மதிப்பு புள்ளி விபரத் திணைக்களம் மேலும் தகவல் வெளியிட்டிருக்கிறது.