ஸ்ரீலங்கா யூத் வீடமைப்புத் திட்டம் ஆரம்பம்

(பழுலுல்லாஹ் பர்ஹான்)

இளைஞர் விவகார திறன் அபிவிருத்தி அமைச்சின் கீழ் இயங்கும் தேசிய இளைஞர் சேவைகள் மன்றத்தின் ஸ்ரீலங்கா இளைஞர்; 2013 (ஸ்ரீலங்கா யூத் ) வீடமைப்புத் திட்டம் நாடளாவிய ரீதியில் மாவட்டத்தின் ஒரு பிரதேச செயலகப் பிரிவில் ஓரு வீடு இன்று திங்கட்கிழமை திறந்து வைக்கப்பட்டது.

இதற்கமைவாக மட்டக்களப்பு மாவட்டத்துக்கான வீடு திறந்து வைக்கும் நிகழ்வு இன்று திங்கட்டகிழமை காலை-11 மணிக்கு காத்தான்குடி பிரதேச செயலாளர் பிரிவில் றிஸ்வி நகர் எனும் இடத்தில் காத்தான்குடி பிரதேச இளைஞர் சேவை உத்தியோகத்தர் வை.எஸ்.ஓ.றம்ஸி தலைமையில் இடம்பெற்றது.

இதன் போது நிகழ்வின் பிரதம அதிதியாக கலந்து கொண்ட கிழக்கு மாகாண சபை உறுப்பினர் சிப்லி பாரூக் நாடாவை வெட்டி வீட்டைத் திறந்து வைத்தார்.

இவ் வைபவத்தில் தேசிய இளைஞர் சேவைகள் மன்றத்தின்

கிழக்கு மாகாண பணிப்பாளர் தவராஜா,காத்தான்குடி பிரதேச செயலாளர் முஸம்மில், மாவட்ட உதவிப் பணிப்பாளர் எம்.என்.எம்.நைறூஸ், மாவட்ட இளைஞர் சேவை அதிகாரி திருமதி கலாராணி,மற்றும் இளைஞர் பாராளுமன்ற உறுப்பினர்கள்,பொது மக்கள் என பலரும் பிரசன்னமாயிருந்தனர்.