கணவருக்கு தம் மனைவியை அடித்துத் திருத்த உரிமை உள்ளது - கிறித்தவ அமைப்பு

லாஸ் ஏஞ்சலீஸிலுள்ள கிறித்தவ அமைப்பு ஒன்று கணவருக்கு தம் மனைவியை அடித்துத் திருத்த உரிமை உள்ளது என்று கருத்து கூறியுள்ளது.

பைபிள் படி கணவர் தான் குடும்பத் தலைவராவார் என்றும் குடும்பத்தில் ஆதிக்கம் செலுத்த வேண்டியவர் என்றும் அந்த அமைப்பு கூறுகிறது  கிறிஸ்டியன் டொமஸ்டிக் டிசிப்ளின் (CDD) என்ற பெயருடைய அந்த அமைப்பு பைபிளின் அடிப்படையில் பரிந்துரைகளையும் அறிவுரைகளையும் கிறித்தவக் குடும்பங்களுக்கு தனது இணையதளம் மூலம் வழங்கி வருகிறது.

கணவரே வீட்டின் தலைவர் என்பது ஏற்றுக் கொள்ளப்பட்டதே என்றும் மத நூலான பைபிளிலும் இப்படித்தான் சொல்லப்பட்டுள்ளது. எனவே தனது ஆதிக்கத்தை நிலை நிறுத்த கணவருக்கு முழு அதிகாரம் உள்ளது என்று அந்த அமைப்பு கருத்து அளித்துள்ளது.

மனைவியை அடிக்க வெறும் கைகளாலோ, அல்லது பெரிய மரக் கரண்டி, பெரிய வகை சீப்பு, சப்பாத்தி உருட்டி ஆகிய ஆயுதங்களாலோ அடித்துத் திருத்தலாம் என்றும் ஆனால், புட்டத்தில் தான் அடிக்க வேண்டும் என்றும் அந்த அமைப்பு மேலும் கூறியுள்ளது.