அகில இலங்கை குர்ஆன் ஹிப்ழ் போட்டி

(மொஹமட் பாயிஸ்)

அகில இலங்கை ரீதியிலான குர்ஆன் ஹிப்ழ் போட்டி அகில இலங்கை தௌஹீத் ஜமாத் ஏற்பாட்டில் 29' 30 ஆகிய திகதிகள் கொழும்பு ஹமீடியா அல் ஹுசேன் தேசிய பாடசாலையில் இடம்பெறவுள்ளது. 

நாடு பூராகவும் இருந்து பகுதி ரீதியாக தெரிவு செய்யப்பட்ட ஆண் பெண் போட்டியாளர்கள் 1412 பேர் இதில் கலந்து கொள்ளவுள்ளனர். போட்டிகளுக்கு உள்நாட்டு வெளிநாட்டு நடுவர்கள் நியமிக்கப்பட்டுள்ளனர். போட்டியில் கலந்து கொள்ளும் இதுவரையயும்; பிறப்பு அத்தாட்சி பத்திரம் சமர்ப்பிக்க படாத போட்டியாளர்கள் அன்றைய தினம் தமது பிறப்பு அத்தாட்சி பத்திரங்களை சமர்ப்பிக்குமாறு ஏற்பாட்டுக் குழுவினர் கேட்டு கொண்டுள்ளதோடு போட்டிகளில் கலந்து கொள்ளும் மதரஸா மாணவர்கள், மதரஸா சீருடையில் கலந்து கொள்ளுமாறு கேட்கப்பட்டுள்ளனர். 

போட்டிகள் காலை 9 மணிக்கு ஆரம்பமாக சகல ஏற்பாடுகளும் மேற்கொள்ளப் பட்டுள்ளதாக அகில இலங்கை தௌஹீத் ஜமாதினர் தெரிவிக்கின்றனர்.