பாடசாலைக் கல்வியை தொடர முடியாத மாணவர்களுக்கான வழிகாட்டல் கருத்தரங்கு

(மௌலவி நஸ்ருதீன்)

க.பொ.த. (சா.த) பரீட்சையில் பெறுபேறுகள் போதாமை காரணமாக பாடசாலைக் கல்வியை தொடர முடியாதுள்ள மாணவர்களுக்கான விசேட வழிகாட்டல் கருத்தரங்கு

2010, 2011, 2012ஆம் ஆண்டு க.பொ.த. (சா.த) பரீட்சையில் பெறுபேறுகள் போதாமை காரணமாக பாடசாலைக் கல்வியை தொடர முடியாதுள்ள மாணவர்களுக்கான விசேட வழிகாட்டல் கருத்தரங்கு ஒன்றை ஆத்மீக ஒருமைப்பாட்டு நிலையம் ஒழுங்குசெய்துள்ளது.

இன்ஷா அல்லாஹ் எதிர்வரும் 2013.06.02 ஞாயிற்றுக்கிழமை காலை 8:00 மணி முதல் கொழும்பு வீதியிலுள்ள புத்தளம் நகர மண்டபத்தில் நடைபெற ஏற்பாடாகியுள்ள இக்கருத்தரங்கில் துறைசார்ந்த அறிவு, அனுபவமுள்ளவர்கள் வழிகாட்டல்களை வழங்குவதோடு உளவள ஆலோசனையும் வழங்க ஏற்பாடாகியுள்ளது.

க.பொ.த. (சா.த.), க.பொ.த. (உ.த.) பரீட்சையில் சித்தியடையாதோருக்கு வேறு கல்வித் துறைகளையும் தொழில் வாய்ப்புகளையும் காட்டிக்கொடுத்து வழிகாட்டும் நன்னோக்குடன் இம்முயற்சியை மேற்கொள்கிறது ஆத்மீக ஒருமைப்பாட்டு நிலையம்.

மேற்படி கருத்தரங்கு முற்றிலும் இலவசமானதும் மாணவிகள், தாய்மார்களுக்காக பிரத்தியேக ஏற்பாட்டைக் கொண்டதுமாகும்.

ஆகவே 2010, 2011, 2012ஆம் ஆண்டு க.பொ.த. (சா.த) பரீட்சையில் பெறுபேறுகள் போதாமை காரணமாக பாடசாலைக் கல்வியை தொடர முடியாதுள்ள மாணவர்களும் அவர்களின் பெற்றோரும் கலந்து பயன் பெறலாம்.

E-mail: spiritualsolidarity@gmail.com